Shanghaikielâ
Shanghaikielâ lii wu-kiinakielâ kuávlukielâ, mii sárnoo Shanghaist. Kiinakielâ, ađai mandariinkiinakielâ, já wu-kiinakielah iä lah iberdetteeh koskânis.[1]
| Shanghaikielâ | |
|---|---|
| Nommâ | |
| Jieijâs kielân | 上海言话 [zaŋhɛ ɦɛɦu] |
| Tiäđuh | |
| Kuávlu |
 Kiina |
| Kielâtieđâlâš luokkajyehim | |
| Kielâkodde | sinotiibetliih kielah |
| Kielâjuávkku |
siniittisiih kielah wu-kiinakielâ |
| Kielâkoodih | |
| ISO 639-3 | wuu |
| Glottolog | shan1293 |
Historjá
muteOvdil shanghaikielâ vijđánem tot ij lamaš siämmáá tehálâš kielâ ko ton pirrâsist ađai Jiaxingist já Suzhoust sarnum kielah.[2] 1800-lovo loopâst iiđij nk. "kuávdáš-shanghaikielâ", mii muttui jotelávt já maŋeláá šoodâi suzhoukielâ saajeest prestiiskiellân Jangtsejuuvâ njálmáduv kuávlust. Ton ääigi stuárráámus uási Shanghain värrejeijein pottii Jiangsust já Zhejiangist, já eennâmkuudij kuávlukielâin lijjii stuorrâ vaikuttâsah shanghaikielân. Ive 1949 maŋa mandariinkiinakielâst lii meiddei lamaš stuorrâ vaikuttâs shanghaikielân, tastko Kiina haldâttâs lii oovdânpuáhtám tom hirmâd ennuv.[2] 1990-lovo rääjist maŋgâseh láá varrim Shanghain pargo já máttááttâs tiet, já maŋgii sij iä määti páihálii kielâ. Uđđâ ässeeh sárnuh ton saajeest mandariinkiinakielâ, já tondiet shanghaikielâ lii onnáá peeivi lappuumin. Majemui iivij láá kuittâg lamaš viggâmušah siäiluttiđ kielâ, amas tot časkâđ.[3][4]
Käldeeh
mute- ↑ Chinese languages www.britannica.com. Čujottum 1.11.2024. (eŋgâlâskielân)
- ↑ a â Chen, Zhongmin: Changes in the downtown Shanghainese pronunciations in the past one hundred years web.archive.org. 20.8.2021. Čujottum 1.11.2024. (kiinakielân)
- ↑ Liu, Zat: Is Shanghai's local dialect, and culture, in crisis? web.archive.org. 3.9.2011. CNNGo.com. Čujottum 1.11.2024. (eŋgâlâskielân)
- ↑ Stopping the local dialect becoming derelict archive.shine.cn. 12.5.2011. Čujottum 1.11.2024. (eŋgâlâskielân)