San Marino lippu
San Marino lippu lii San Marino aalmugtubdâldâh vaakun já aalmuglâšlavluu lasseen. Tot valdui kiävtun cuáŋuimáánu 6. peeivi 1862 já muttui ucánjáhháá ive 2011. Lippu lii juohhum kyevti siämmáástuárusii uásán horisontaallávt. Pajeuási lii vielgâd já vyeliuási lii čuovjâd. Liipu vielgis ivne kovvee ráávhu já poolvâid já čuovjis ivne kovvee rijjâvuođâ já alme.[1]
Kaskoo liipu lii San Marino vaakun. Tot siskeeld San Marino kulmâ lane. Vaakun paajaabeln lii ruvnâ, já ton vuoluubeln lii staatâ läättinkielâlâš motto LIBERTAS (anarâškielân rijjâvuotâ). Tastko San Marino lii täsiväldi, te vaakun paajaabeln leijee ruvnâ ij kuvvii monarkia pic suvereniteet.[2]
San Marino ovdiih liipuh
mute-
San Marino lippu iivij 1465–1797 -
San Marino lippu iivij 1862–2011
.svg)
Fáádást eres soojijn
mute- Bandiere (italiakielân)
- Flags of the World - San Marino (eŋgâlâskielân)
Wikimedia Commonsist láá koveh teikkâ eres tiätuvuárháh fáádást San Marino lippu.
Käldeeh
mute- ↑ Johnson Barker, Brian: Maailman liput, s. 59. San Marino. Gummerus, 2006. ISBN 9512071355. (suomâkielân)
- ↑ Conoscere la Storia della Repubblica di San Marino San Marino täsivääldi virgáliih nettisiijđoh. Čujottum 20.12.2021. (italiakielân)
