Saammâl já vuossâmuš sierâpeivi
Saammâl já vuossâmuš sierâpeivi (eŋgâlâskielân Sammeli and the First Toyday) lii nubbe uási käävciuásásii kyevtkielâg Rumbu-kirjerááiđust. Kirjerááiđu čällee já kovvejeijee lii eŋlandlâš kirječällee Lee D. Rodgers.[1][2] Kirjeráiđu muštâl aanaarsämmilâš kaandâst, kiän nommâ lii Saammâl. Sun lii nuorâ kandâ, kii lijkkoo fiäránáid já Säämi mulsâšuvvee iveaigijd.
Taan kirje maainâs lohtâšuvá čoohčân. Mainâsist Saammâl uáppá uđđâ saanijd, finnee uđđâ skijpárijd já uáppá tom, mon tehálâš lii jyehiđ já leđe vuállánhánnáá.[3]
Kirje almostui ive 2014. Tot lii čallum sehe anarâškielân já eŋgâlâskielân. Kirjeest kielah láá paldâluvâi, vâi kielâid puávtáččij viärdádâllâđ. Anarâškielâlii uási lii jurgâlâm Petter Morottaja.[1] Taam kirje já rááiđu eres-uv kiirjijd lii kuástidâm Anarâškielâ servi ry.
Käldeeh mute
- ↑ 1,0 1,1 Nettisaje - Wiki anarâškielâst já kulttuurist Čujottum 7.9.2021
- ↑ Lapland8seasons - Bookshelf Čujottum 7.9.2021
- ↑ Saammâl já vuossâmuš sierâpeivi — Sammeli and the First Toyday. Lee. D. Rodgers. Anarâškielâ servi ry. 2014