Saammâl já kuoškkärigâš
Saammâl já kuoškkärigâš (eŋgâlâskielân Sammeli and the Dipper) lii niäljád uási käävciuásásii kyevtkielâg Rumbu-kirjerááiđust. Kirjerááiđu čällee já kovvejeijee lii eŋlandlâš kirječällee Lee D. Rodgers.[1][2] Kirjeráiđu muštâl aanaarsämmilâš kaandâst, kiän nommâ lii Saammâl. Sun lii nuorâ kandâ, kii lijkkoo fiäránáid já Säämi mulsâšuvvee iveaigijd.
Taan kirje maainâs lohtâšuvá kiiđân. Mainâsist Saammâl tiävá uines kuoškkärigáá uđâgáin. Saammâl puáhčá njuoskâ já vyerdimettum fiäránân, finnee uđđâ ustev já vuáittá paloidis. Sun uáppá, ete nuubijd iššeedmáin mij šoddâp čuávdiđ jieččân čuolmâid.[3]
Kirje almostui ive 2015. Tot lii čallum sehe anarâškielân já eŋgâlâskielân. Kirjeest kielah láá paldâluvâi, vâi kielâid puávtáččij viärdádâllâđ. Anarâškielâlii uási lii jurgâlâm Petter Morottaja.[1] Taam kirje já rááiđu eres-uv kiirjijd lii kuástidâm Anarâškielâ servi ry.
Käldeeh
mute- ↑ 1,0 1,1 Nettisaje - Wiki anarâškielâst já kulttuurist Čujottum 9.9.2021
- ↑ Lapland8seasons - Bookshelf Čujottum 9.9.2021
- ↑ Saammâl já kuoškkärigâš — Sammeli and the Dipper. Lee. D. Rodgers. Anarâškielâ servi ry. 2015