Saammâl, Stáálu já njuhčâ
Saammâl, Stáálu já njuhčâ (eŋgâlâskielân Sammeli, Staalu and the Swan) lii káávcád já majemuš uási käävciuásásii kyevtkielâg Rumbu-kirjerááiđust. Kirjerááiđu čällee já kovvejeijee lii eŋlandlâš kirječällee Lee D. Rodgers.[1][2] Kirjeráiđu muštâl aanaarsämmilâš kaandâst, kiän nommâ lii Saammâl. Sun lii nuorâ kandâ, kii lijkkoo fiäránáid já Säämi mulsâšuvvee iveaigijd.
Taan kirje maainâs lohtâšuvá algâtáálván. Mainâsist Saammâl lii algâttâm škoovlâ já juurdâš puoh tom, maid sun kalga tobbeen oppâđ. Saammâl puáris já uđđâ skipáreh išedeh suu oppâđ, maht mielâkuvviittâssáin puáhtá vyeittiđ jieijâs paloid.[3]
Kirje almostui ive 2020. Tot lii čallum sehe anarâškielân já eŋgâlâskielân. Kirjeest kielah láá paldâluvâi, vâi kielâid puávtáččij viärdádâllâđ. Anarâškielâlii uási lii jurgâlâm Petter Morottaja.[1] Taam kirje já rááiđu eres-uv kiirjijd lii kuástidâm Anarâškielâ servi ry.
Käldeeh
mute- ↑ 1,0 1,1 Nettisaje - Wiki anarâškielâst já kulttuurist Čujottum 9.9.2021
- ↑ Lapland8seasons - Bookshelf Čujottum 9.9.2021
- ↑ Saammâl, Stáálu já njuhčâ — Sammeli, Staalu and the Swan. Lee. D. Rodgers. Anarâškielâ servi ry. 2020