Säämi-suomâ sänikirje

Säämi-suomâ sänikirje (1993) lii anarâškielâ sänikirje, mon Pekka Sammallahti já Matti Morottaja lává ráhtám. Vuáđđun toos lii kevttum ovdebâš kirje Säämi-suoma-säämi škovlasänikirje (1982), mutâ suomâ-säämi uási lii kuođđum meddâl. Sammallahti-Morottaja sänikiirján láá lasettum meid uđđâ säänih já oovdeb kirje feeilah njyelgejum. Kirjeest láá paijeel 8 000 säännid. Čäällimvyehi lii muttum ovdebáá kirjeest ko ovdâmerkkân diftoŋeh eä já oa saajeest láá taan kirjeest iä já uá. Sänikirje loopâst kávnojeh meid motomeh sujâttemovdâmeerhah.