Sámi Grand Prix 2001

Sámi Grand Prix 2001 lâi Sámi Grand Prix -juoigâm- já lávlumkišto, mon Säämi muusikfestivaal -servi ornij Kuovdâkiäinust Taažâ peln ive 2001 pessijâšmarkkânij ääigi. Tot lâi 12. tove, ko kišto uárnejui. Juoigâmuási vuoitij kieldâsämmilâš Anfisa Agejeva já lávlumuási ruátálâš-sämmilâš lávlumjuávkku Sofia och Anna.^[1] Kišto maŋa Rieban almostitij nurâldâhskiäru, mii siskeeld puoh uásálistei pittáid.

Juoigâm- já lávlumuásih

Ovdebij iivij náál kištoost lijjii kyehti uási: juoigâmuási já lávlumuási.^[1]

Juoigâmuási

Juoigâmuásist lijjii 9 uásálisted. Taam uási vuoitij kieldâsämmilâš kirječällee já musikkár Anfisa Agejeva (noomáin Anfissa Agueva), kii uásálistij vuossâmuu keerdi kiišton.^[1] Sun livđui pitá Meleš. Nubben lâi kuovdâkiäinulâš Mathis A. Oskal pittáin Ruvaš nieiddat ja buolaš bártnit já kuálmádin láin Kirsten Marit Olsen já Kristine Sara S. Gaup, suoi-uv Kuovdâkiäinust, pittáin Iŋgá Márjá.^[1]

Juoigâmuási uásálisteeh

Staatâ teikkâ eennâm	Uásálistee(h)	Juáigus
Ruoššâ	Anfissa Agueva	Meleš
Taažâ	Mathis A. Oskal	Anders Nils Eira
Taažâ	Kirsten Marit Olsen já Kristine Sara S. Gaup	Iŋgá Márjá
Taažâ	Marit Gunhild Bongo	Maila Risten
Taažâ	Ole Larsen Gaino	Johan Sara jr
Taažâ	Anne Berit Peltoperä	Tor Morten
Taažâ	Anders Nils J. Eira	Biret
Taažâ	Ellen Marit Eira Sobakke	Siidda eamit
Taažâ	Inga Berit Sara	Anne Merethe M. N. Sara

Lávlumuási

Lávlumuásist lijjii 6 uásálistee. Uási vuoitij ruátálâš-sämmilâš lávlumjuávkku Sofia och Anna ađai vääččirliih Sofia Jannok já Anna Kärrstedt pittáin Meahci mánná.^[1] Nubben láin Wenche M. Hætta já Annbjørg Hætta pittáin Girdilan já kuálmádin lâi nubbe kieldâsämmilâš ađai Elvira Galkina pittáin Kárášjohka.^[1]

Lávlumuási uásálisteeh

Staatâ teikkâ eennâm	Uásálistee(h)	Laavlâ
Ruotâ	Sofia já Anna	Meahci mánná
Taažâ	Wenche M. Hætta já Annbjørg Hætta	Girdilan
Ruoššâ	Elvira Galkina	Kárášjohka
Taažâ	Ánne Márge Päiviö já Laila Aleksandersen	Girdimen
Taažâ	2 X Oskal	In dieđe vel
Taažâ	Marit Susanne Utsi	Du haga

Áillohaš-muusikpalhâšume

Ive 2001 Áillohaš-muusikpalhâšume vuoitij Johan Sara jr..^[1] Sun lii siämmáš olmooš, kiäm Ole Larsen Gaino juoigâi juoigâmuásist.

Käldeeh

↑ ^1,0 ^1,1 ^1,2 ^1,3 ^1,4 ^1,5 ^1,6 Hætta, Wenche Marie. Hvem-Hva-Når om Sámi Grand Prix NRK Sápmi. 29.3.2007. Čujottum 6.1.2021 (tárukielân)

[nrk-1.2147094-1] 1,0 ^1,1 ^1,2 ^1,3 ^1,4 ^1,5 ^1,6 Hætta, Wenche Marie. Hvem-Hva-Når om Sámi Grand Prix NRK Sápmi. 29.3.2007. Čujottum 6.1.2021 (tárukielân)

[1]