Narges Mohammadi
Narges Safie Mohammadi (farsikielân نرگس صفیه محمدی; š. cuáŋuimáánu 21. peeivi 1972 Zanjan, Iran[1]) lii iranlâš olmoošvuoigâdvuotâpiälušteijee já Olmoošvuoigâdvuotâpiälušteijei kuávdáá väripresident, mon hovdâ lii Nobel-ráávhupalhâšume finnim Shirin Ebadi. Ive 2023 Mohammadi vuoitij Nobel-ráávhupalhâšume.[2]
.jpg)
Eellim
muteMohammadi šoodâi Zanjanist já rávásmij Qorvehist, Karajist já Oshnaviyehist. Sun luuvâi fyysiik Imam Khomeini International University -nommâsii ollâopâttuvâst. Valmâštum maŋa sun poorgâi insnerin. Maŋeláá sust šoodâi toimâtteijee, já sun almostitij meid kirje, mon nommâ lii The reforms, the Strategy and the Tactics.[3]
Ive 1999 sun naajâi toimâtteijee Taghi Rahmanijn, kii pieijui kuittâg faŋgâlân forgâ heejâi maŋa.[3][4] Rahmani varrij Raanskan ive 2012, ko sun lâi jo viättám ohtsis 14 ihheed faŋgâlist, mut Mohammadi paasij Iranân, vâi sun puávtáččij juátkiđ olmoošvuoigâdvuođáid lahtojeijee pargo.[5] Mohammadist já Rahmanist láá jyemehááh.[4][5]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Narges Mohammadi.
Käldeeh
mute- ↑ Narges Mohammadi nobelprize.org. Čujottum 6.10.2023. (eŋgâlâskielân)
- ↑ The Nobel Peace Prize 2023 nobelprize.org. Čujottum 6.10.2023. (eŋgâlâskielân)
- ↑ a â Narges Mohammadi, from Iran, recipient of the International Alexander Langer Award 2009 www.alexanderlanger.org. Čujottum 6.10.2023. (eŋgâlâskielân)
- ↑ a â Profile | Nationalist, Religious, and Resolute: Narges Mohammadi FRONTLINE - Tehran Bureau. Čujottum 6.10.2023. (eŋgâlâskielân)
- ↑ a â Kamali Dehghan, Saeed: Iranian human rights activist Narges Mohammadi arrested The Guardian. 26.4.2012. Čujottum 6.10.2023. (eŋgâlâskielân)