Maadâ-Georgia já Máddááh Sandwichsuolluuh

Maadâ-Georgia já Máddááh Sandwichsuolluuh
lippu
lippu
vaakun
vaakun
South Georgia and the South Sandwich Islands in United Kingdom.svg
Staatâhäämi Brittilâš tovnbeln meerâ kuávlu
Monark Elizabeth II
Komissaar Nigel Phillips
Uáivikaavpug King Edward Point
Vijđodâh 3 903 km²
Virgáliih kielah eŋgâlâskielâ
Vaaluut Falkland pudde (FKP)
Äigi UTC-2
Uánádâs GS
Jotolâh čižetpiälásâš
Sundenummeer +500
Internet TLD .gs
Motto Leo Terram Propriam Protegat
Aalmuglâšlaavlâ God Save the Queen

Maadâ-Georgia já Máddááh Sandwichsuolluuh láá Ovtâstum kunâgâskode haldâšem suáluikuávlu já tovnbeln meerâ kuávlu, mutâ Argentiina meid tuálá taid jieijâs uássin. Taat suáluikuávlu lii Maadâ-Atlantist já toos kuleh Maadâ-Georgia suálui sehe ucebeh suolluuh, moi nommâ lii Máddááh Sandwichsuolluuh. Maadâ-Georgia suálui lii suulân 1 300 kilomeetterid maadânuortâs Falklandsuolluin, já Máddááh Sandwichsuolluuh láá 760 kilomeetterid maadânuortâs Maadâ-Georgia suollust.[1][2]

HistorjáMute

Maadâ-GeorgiaMute

Maadâ-Georgia suolluu kaavnâi vuosmuu keerdi Antoine de la Roché ive 1675, já uássin Britannia tom vaaldij James Cook ive 1775. Argentiina lii ive 1927 rääjist vaattâm suolluu olssis.[3]

Máddááh SandwichsuolluuhMute

Cook kaavnâi meid Máddáid Sandwichsuolluid ive 1775 já vaaldij taid-uv Britannia uássin. Argentiina lii ive 1948 rääjist vaattâm taid olssis.[3]

EennâmtiätuMute

Maadâ-GeorgiaMute

Maadâ-Georgia suálui lii suulân 1 300 kilomeetterid maadânuortâs Falklandsuolluin. Suálui lii suulân 170 kilomeetterid kukke já kobdodâh mulsâšuvá 2 já 40 km kooskâst. Vijđodâh suollust šadda ohtsis 3 755 km², mast peeli lii jieŋâ vyelni pirrâ ive. Alemus saje suollust lii Mount Paget, mii paijaan 2 934 meetter alodâhân.[3]

Máddááh SandwichsuolluuhMute

Máddááh Sandwichsuolluuh láá 11 suolluu ráiđu, main stuárráámus uási láá volkaanliih suolluuh. Vijđodâh tain lii ohtsis 337 km².[4]

KäldeehMute

  1. South Georgia Britannica. Čujottum 12.12.2021. (eŋgâlâskielân)
  2. South Sandwich Islands Britannica. Čujottum 12.12.2021. (eŋgâlâskielân)
  3. 3,0 3,1 3,2 About South Georgia & the South Sandwich Islands Goverrnment of South Georgia & the South Sandwich Islands. Čujottum 12.12.2021. (eŋgâlâskielân)
  4. South Georgia and the South Sandwich Islands Cool Antarctica. Čujottum 12.12.2021. (eŋgâlâskielân)