Lippukodde (várdám)
Lippukodde lii várdámlihâstâs páihálâš servi. Jyehi lippukodde kulá oovtâ pirrâdâhân eennâmtieđâlii sajaduv vuáđuld. Suomen Partiolaiset ry – Finlands Scouter ry (uánihávt SP-FS), mii lii syemmilij várdájeijei aalmuglâš ornijdume, iššeed várdámpirrâduvâid lippukuudij tuárjumist.
Várdámtooimân uápásmum tábáhtuvá uásálistmáin lippukode muhhijd, leiráid já eres tábáhtussáid.
Jođetteijee mute
Lippukode jođetteijee lii várdámlihâstâs páihálii seervi (ađai lippukode) saavâjođetteijee. Sun västid lippukode tooimâst oovtâst ohjelmjođetteijein já pargojođetteijein. Lippukode rävisolmoošjođetteijee kalga tubdâđ sehe almolijd ete ahemudoi miäldásijd šoddâdemuulmijd, vâi sun pasta iberdiđ ahemuddotooimâ olesváldálávt.[1]
Tuáváášsiärvus mute
Iänááš uásist lippukuudijn lii mottoom tuáváášsiärvus, suullân kyevti kuálmádâsâst tot lii páihálâš servikodde. Motomijn tot puáhtá leđe vanhimijrääđi tâi miinii iärásijd. Tuáváášsiärvus fáálá távjá lippukoodán saje toimâmân já máhđulávt mottoomlágán ruđâlii iše-uv.
Lippukodeh-uv pyehtih toohâđ tuáváášsiärvussopâmušâid. Lippukodeh, moi tuáváášsiärvusin lii tubdâstâslâš oskoldâhkodde, adeleh vuosâsajasávt ton tubdâstâs miäldásii oskoldâhšoddâdem já siämmást väldih kuittâg huámmášumán tom, et jesânijn láá maaŋgâlágán oskolduvah já uáinuh. Lippukodeh, main ij lah oskolduvlâš tuáváášsiärvus, tuárjuh mudoi jesânij oskolduvlii teikâ uáinulii šoddâm.
Lijne mute
Jyehi lippukoddeest lii jieijâslágán lijne, mii lii várdájeijee pyeremus tobdomerkkâ.
Käldeeh mute
- ↑ Partio-ohjelma.fi – Šoddâdemulmeh Čujottum 7.9.2021