Suomen Partiolaiset ry – Finlands Scouter ry
Suomen Partiolaiset ry – Finlands Scouter ry (uánihávt SP-FS) lii syemmilij várdájeijei aalmuglâš ornijdume. SP-FS lii almugijkoskâsii várdámlihâstâs áinoo ovdâsteijee Suomâst. Tot lii maailmornijdumij Várdámlihâstâs Maailmseervi (World Organization of the Scout Movement, WOSM) já Várdámnieidâi Maailmlito (World Association of Girl Guides and Girl Scouts, WAGGGS) jeessân. SP-FS tuálvu maailmseervij uulmijd ovdâskulij já huolât tast, et várdámtoimâ Suomâst piso almugijkoskâsii várdámlihâstâs prinsiipij já ulme miäldásâžžân. Aktiivlâš jesânin SP-FS lii fáárust oovdedmin maailmseervijd.
Historjá
muteSP-FS vuáđudui ive 1972, ko ovdiih Suomen Partiopoikajärjestö (SPJ) já Suomen Partiotyttöjärjestö (SPTJ) lahtojii oohtân.[1]
Toimâmprinsiipeh
muteUbâ várdámtooimâst já miärádâstohâmist nuávditteh ávusvuođâ já oovtâviärdásâšvuođâ prinsiipijd. Várdámlihâstâs ulmen láá kuávlulâš oovtâitosâšvuotâ já tot, et kihheen ij olgoštuu ave, suhâpele, seksuaallii sundešume, kielâ, kulttuurtuáváá, etnisâšvuođâ, oskolduv, poolitlii uáinu, sosioekonomâlii sajattuv, tiervâsvuođâtile teikâ ulmui kullee eres suujâ keežild.[2]
Várdámlihâstâs čonâdât toimâstis Ovtâstum Aalmugij päärni vuoigâdvuođâi sopâmušân já olmoošvuoigâdvuođâi maailmvijđosii julgáštâsân. SP-FS tuáimá kierdee ovdánem prinsiipij mield.[2]
SP-FS lii nuorâkerdiservi, já nuorah uásálisteh aktiivlávt ton tooimân. SP-FS oovded puoh taasijn várdámlihâstâs siste, syemmilii ohtsâškoddeest já ubâ maailmist nuorâi uásálistem miärádâstohâmân.[2]
SP-FS lii jiešráđálâš servi, mii ij háputtâl vuáitu. Várdámlihâstâs lii piäládâhpoolitlávt čoonnâsmettum. Ko tot lii seervi, te SP-FS puáhtá väldiđ uáivil várdámlihâstâs áárvuid kyeskee poolitláid koččâmâššáid teikâ koččâmâššáid, moh ovdedeh várdámlihâstâs sajattuv. Várdájeijeid movtijditeh ovtâskâs olmožin ohtsâškodálii já poolitlii aktiivlâšvuotân.[2]
SP-FS lii oskolduvlávt čoonnâsmettum servi, mii tuáimá positiivlii oskoldâhrijjâvuođâ prinsiip mield. Várdámlihâstâsân kuleh jieijâs osko tâi eres uáinu uuccâm já mietimielâlâš koskâvuotâ vuoiŋâlâšvuotân. Uáinu-tuávádâh uáivild ovtâskâs ulmuu oskolduvlii teikâ ij-oskolduvlii eellimuáinu.[2]
SP-FS puáhtá toohâđ oovtâstpargosopâmušâid jieškote-uv oskoldâhkudijguin. Tai sopâmušâi ulmen lii ovdediđ oskoldâh- já uáinušoddâdem sajattuv uássin SP-FS faallâm várdámšoddâdem sehe sooppâđ oovtâstpargo prinsiipijn.[2]
Kielâ
muteVárdámtoimâ uárnejuvvoo suomâkielân já ruotâkielân. Tooimâ puáhtá faallâđ eres-uv kieláid. SP-FS já Finlands Svenska Scouter r.f. (FiSSc) láá toohâm oovtâstpargosopâmuš väldikodálii ruotâkielâlii várdámtooimâ orniimist nuuvt ete FiSSc hoittáá sehe kuávdášservitääsi já pirrâdâhtääsi ruotâkielâlijd aktiviteetijd.[2]
Vuáđukirje
muteVuáđukirje kovvee prinsiipijd, moh miäruštâleh várdámlihâstâs ulme já árvuvuáđu, stivrejeh várdámlihâstâs toimâmprinsiipijd já vuáháduvâid Suomâst sehe miäruštâleh SP-FS roolâ.[2]
Vuáđukirje miäruštâl já kovvee ubâ várdámtooimâ Suomâst. SP-FS tooimâ ulme miäruštâlluvvoo taan vuáđukirjeest já seervi njuolgâdusâin.[2]
Vuáđukirje vuáđuduvá Várdámnieidâi Maailmlito já Várdámlihâstâs Maailmseervi vuáđukirjijd. Kuábbááh-uv maailmseervih kalgeh tuhhiittiđ puoh nubástusâid SP-FS vuáđukiirján.[2]
Saavâjođetteijeeh
mute- 1972–1973 Kata Jouhki
- 1974–1975 Tapio Koivula
- 1976–1979 Doris "Dodo" Stockmann
- 1980–1983 Aarno Stauffer
- 1983–1987 Terttu Suhonen
- 1988–1990 Pekka Koskinen
- 1991–1994 Monica Mickos
- 1995–1998 Matti "Totti" Toivonen
- 1999–2004 Erkki "Eke" Hakala
- 2005–2008 Erja Salo
- 2009–2010 Antti Tapanila
- 2011–2012 Heidi Jokinen
- 2013–2014 Harri "Hartsa" Länsipuro
- 2015–2017 Anna Munsterhjelm
- 2018–2020 Maria "Hilla" Ruohola
- 2021– Siiri Somerkero
Ruttâdem
mute| Ruttâdem käldee | 2020 | 2019 | 2018 | 2017 | 2016 | 2015 | 2014 | 2013 | 2012 |
|---|---|---|---|---|---|---|---|---|---|
| Máttááttâs- já kulttuurministeriö[3] | 1 455 000€ | 1 455 000€ | 1 455 000 € | 1 375 000 € | 1 330 000 € | 1 276 400 € | 1 270 000 € | 1 270 000 € | 1 266 000 € |