Káránâsjuŋŋâ
Káránâsjuŋŋâ (Arctostaphylos uva-ursi) lii myerji, mii šadda čunoienâmijn. Nuuvt maht káránâsmyerjist-uv ton ihešaddokeerdih pyehtih leđe viehâ kuheh.[1]
Tobdomeerhah mute
Loostah sulâstiteh juŋŋâloostâ, mut iä lah vuálus soojeeld nuuvt maht láá juuŋâst. Lieđeh láá vielgâdeh. Myerjih láá šerisruopsâdeh, mut iä lah mirhâliih.[1]
Kevttim já tálhudemamnâseh mute
Muorjijd ij kale lah riävtui ano, mut loostah láá tađe-uv anoluboh. Loostah láá meiddei tálhudemaamnâs manemuštaavdân já iäránuššâmvädisvuođáid. Glukosideh tuššâdeh manemušâin bakteerijd já loostâin láá kavnum meiddei arbutiin já metyyliarbutiin. Toh láá tommuđušeh amnâseh, et ulmuu roopâst nubástuveh läivis mirkkân. Ton suujâst káránâsjuuŋâ loostâid ij koolgâ kevttiđ ohtânmaanoost. Jis kuittâg ááiguh várugávt iskâđ taam talkkâs, te loostâid lii pyeremus kuškâdiđ keessiv ovdil ko myerjih läddih. Loostâid puáhtá kuškâdiđ suullân 50 ceehist. Lostâjáávuid láá ovdil kozâstâm nuhtán talhâsin. Tain puáhtá meiddei rähtiđ teejâ.[1]
Fáádást eres soojijn mute
Wikimedia Commonsist láá koveh teikkâ eres tiätuvuárháh fáádást Káránâsjuŋŋâ.
Käldeeh mute
- ↑ 1,0 1,1 1,2 Aikio, Jouni: Káránâsjuŋŋâ. Anarâš-kalender 2004, 2004. Anarâškielâ servi ry.