Juvduu
Juvduu lii juuhâ Aanaar kieldâst, Suomâst. Juvduu álgá Solojäävrist já luáštá Aanaarjáávrán, Aanaar markkânist. Juuhâ lii 12 kilomeetter kukke já tast láá maaŋgah kuoškah. Juuvâ rasta maneh kyehti šalde Njuámmilcoskâsist já Anarist.
| Juvduu | |
|---|---|
_(35849563004).jpg) |
|
| Staatâ | Suomâ |
| Kieldah | Aanaar |
| Algâsaje | Solojävri |
| Loppâsaje | Aanaarjävri |
| Kukkodâh | 12 km |
| Algâsaje alodâh | 145[1] m |
| Koskâmiärálâš čäcimeeri | 310[2] m3/s |
Juvduu lii tubdum eromâš pyerrin kuávžur- já suávviljuuhhân. Kuávžurmereh láá kiäppánâm Aanaarjäävri čäsuáivi tulvâdem já 1980-lovo lijgekuálástus tiet. Kyelimereh láá kuittâg-uv 2000-lovvoost váhá puáránâm kyeliviljâlem tááhust. Tááláá ääigi Juvduujuuhân kalga finniđ kuálástuslove, já tuše muáddi love mieđettuvvojeh oovtâ piäiván. Ton lasseen ubâ juuhâ lii rávhuttum porgemáánu loopâst kesimáánu aalgân. Juuvâ vyelemuu uásist kuálástem nohá jo syeinimáánu loopâst.[3] Maaŋgah láá huánášâm ive 2016 uđđâ kuálástusnjuolgâdusâid, ko sii mielâst toh räijejeh páihálij ulmui vuoigâdvuođâ kuálástiđ jieijâs päikkijuuvâst.[4]
Käldeeh
mute- ↑ www.jarviwiki.fi - Solojärvi (eŋgâlâskielân já suomâkielân)
- ↑ www.ympäristö.fi - Juutuanjoki (suomâkielân)
- ↑ www.eraluvat.fi (suomâkielân)
- ↑ yle.fi - Kalastuskapina kytee Ylä-Lapissa – "En lähde jonottamaan turistiksi omalle joelle" (suomâkielân)