Juha Rantasila -palhâšume

Juha Rantasila -palhâšume lii jieŋâskiäru SM-liiga palhâšume, mii mieđettuvvoo jyehi ive piälušteijei, kote lii časkâm enâmustáá moolâid vuáđuspellâmrááiđust. Vuossâmuu tove palhâšume mieđettui paje 2007–2008 maŋa. Talle tom vuoitij Tappara spellee Anssi Salmela. Palhâšume lii nomâttum piälušteijee Juha Rantasila mield.

Vyeitteeh

Paje	Spellee	Juávkku	Moolah	Aalmugjeessânvuotâ
2007–08	Anssi Salmela	Tappara	15	Suomâ
2008–09	Markus Seikola	Ilves	17	Suomâ
2009–10	Markus Seikola (2.)	Ilves	17	Suomâ
2010–11	Markus Nordlund	TPS	16	Suomâ
2011–12	Markus Seikola (3.)	Pelicans	16	Suomâ
2012–13	Markus Seikola (4.)	Pelicans	13	Suomâ
2013–14	Lasse Kukkonen	Kärpät	12	Suomâ
2014–15	Janne Niskala*	Lukko	14	Suomâ
2015–16	Juha Leimu	Pelicans	16	Suomâ
2016–17	Juha Leimu** (2.)	Pelicans	11	Suomâ
2017–18	Ilkka Heikkinen	TPS	17	Suomâ
2018–19	Oliwer Kaski	Pelicans	19	Suomâ
2019–20	Mikko Kousa	HIFK	10	Suomâ
2020–21	Robin Press	Lukko	17	Ruotâ
2021–22	Vili Saarijärvi	Lukko	17	Suomâ
2022–23	Les Lancaster***	Ilves	13	Ovtâstum staatah
2023–24	Charles-Edouard D’Astous	KooKoo	17	Kanada

* Janne Niskala moolâmeeri lâi siämmáš ko Porin Ässät spellee Esa Lindell moolâmeeri. Kuohtuuh spelleeh čoskijn meiddei siämmáá ennuv vuáittumoolâid. Niskala vuoitij palhâšume, tastko sust lâi pyereeb pacâttemprooseent. Niskalast lâi 5,1 %. Lindell pacâttemprooseent vuod lâi 4,2 %.

** Pelicans spellee Juha Leimu čooskij siämmáá ennuv moolâid ko Lukko spellee Janne Niskala, mut Leimu čooskij oovtâ vuáittumoolâ eenâb ko Niskala.

*** Paajeest 2022–2023 Ilves spellee Les Lancaster čooskij siämmáá ennuv moolâid ko Lukko spellee Thomas Grégoire, mut Lancaster čooskij kyehti vuáittumoolâ eenâb ko Grégoire.