Ihe lii äigilovo ohtâdâh. Táválávt ivvijn uáivildeh kalenderive, mii tááláš gregoriaanlâš kalender‏‎ist pištá 365, kárgámive 366 kalenderpeivid. Äigilovo vuáđđun lii Eennâm juurrâmpaje Piäiváá pirrâ. Ivveest láá 12 mánuppaijeed já suulân 52 okkod.

Analemma čáittá, maht piäiváá saje muttuu ive ääigi, ain siämmáá ääigi peeivist.

Ive ääigi Eennâmpáálu stiällu muttoo, já ton tááhust peeivi kukkodâh já šooŋah še mulsâšudeh. Taid mulsâšudmijd kočodeh iveäigin. Eres soojijn já kulttuurijn rekinisteh iveaaigijd eresnáál. Táválávt liähmustielâssubarktâsâš kuávluin rekinisteh nelji iveääigi (keesi, čohčâ, kiđđâtälvi), ko vuod ovdâmerkkân peeivitäsideijee alda maŋgii keččih, ete ivveest láá tuše kyehti iveääigi (monsuunpaje já koškepaje), já Säämist sárnuh käävci iveääigist.

Love ivveest šadda ihelohe, čyeđe ivveest čyeti-ihe já tuhháát ivveest ihetuhháát. Neelji ive äigipaje kočodii Antiik Kreeikast olympiadin.

KäldeehMute