I Wrote a Song (anarâškielân Mun rahtim pitá) lii eŋlandlâš lávloo já laavlârähtee Mae Muller pittá, mon sun raahtij oovtâst Karen Poolein já Lewis Thompsonáin.[1] Pittá almostui singlen njuhčâmáánu 9. peeivi 2023.[2] Tain pittáin Muller oovdâst Ovtâstum kunâgâskode ive 2023 Euroviisuin Liverpoolist.[1][3]

Pitá vuáđutiäđuh mute

I Wrote a Song lii eŋgâlâskielâg pittá, mon lávlu eŋlandlâš musikkár Mae Muller. Muller, Karen Poole já Lewis Thompson sännejii pitá ive 2022.[1] Kuulmâs láá meid nuottim pitá. Pyevtitteijen toimáin Alfred Parx já Lewis Thompson.

Muller muštâl, ete 2 min 45 sek pištee synth- já tanssâpopmuusik pittá lii mävsittempittá, mon sun raahtij ex-irge tiet.[3] Maŋeláá sun lii ettâm, ete tot lii kiävrum- teikkâ terapiapittá já ete sun raahtij tom, talle ko suu elimist lijjii vaigâdis ääigih.[1][4]

Almostittem mute

Pitá almostittii Capitol RecordsEMI njuhčâmáánu 9. peeivi 2023 njuolgist muusikpalvâlussáid neetist.[2][5] Pitá muusikvideo-uv almostui siämmáá peeivi Euroviisuh-lávlumkišto virgálâš YouTube-kanavast. Videost lii eres versio pittáást, mii pištá kuhebiššáá ađai 3 min 6 sek.

Vuástáväldim mute

Almostittemohhoost I Wrote a Song debytistij Global Official Big Top 40 -liiston kuálmád saajeest.[6] Ovtâstum kunâgâskode singleliiston tot debystistij 30. saajeest, mii lii Muller táássáš pyeremus saje.

Pitá sajeh muusiklistoin mute

Listo Pyeremus saje
Ovtâstum kunâgâskode singlelisto (OCC)[7] 30.
Ovtâstum kunâgâskode singlei luođiimij listo[8] 3.

Fáádást eres soojijn mute

Käldeeh mute

  1. 1,0 1,1 1,2 1,3 Ramachandran, Naman: Mae Muller to Represent U.K. at Eurovision Song Contest With ‘I Wrote A Song’ Variety. 9.3.2023. Čujottum 6.5.2023. (eŋgâlâskielân)
  2. 2,0 2,1 Juhász: Mae Muller To Represent The United Kingdom In Eurovision 2023! ESCBubble. 9.3.2023. Čujottum 9.3.2023. (eŋgâlâskielân)
  3. 3,0 3,1 Savage, Mark: Mae Muller: Who is the UK's Eurovision entrant? 9.3.2023. BBC. Čujottum 9.3.2023. (eŋgâlâskielân)
  4. Duggins, Alexi: Eurovision 2023 UK entry announced as Mae Muller The Guardian. 9.3.2023. Čujottum 6.5.2023. (eŋgâlâskielân)
  5. Willix, Pierra: Eurovision 2023: Who is Mae Muller as she is named the UK's entry? Metro.co.uk. 9.3.2023. Čujottum 9.3.2023. (eŋgâlâskielân)
  6. Miley Cyrus' 'Flowers' Number 1 for Two Whole Months BigTop40. Čujottum 2023-5-6. (eŋgâlâskielân)
  7. Official Singles Chart Top 100 | Official Charts Company www.officialcharts.com. Čujottum 4.5.2023. (eŋgâlâskielân)
  8. Official Singles Downloads Chart Top 100 | Official Charts Company www.officialcharts.com. Čujottum 4.5.2023. (eŋgâlâskielân)
 
Jurgâlus
Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâlâš artikkâl: en:I Wrote a Song