Helene Kløvstad
| Helene Kløvstad Helene C. Kløvstad | |
|---|---|
| Šoddâm | cuáŋuimáánu 5. peeivi 1903 Kristiania, Ruotâ-Taažâ |
| Jáámmám | njuhčâmáánu 13. peeivi 1998 (94-ihásâžžân) Oslo, Taažâ |
| Pargo | |
| Áámmát | jurgâleijee, párnáikirječällee já máttáátteijee |
| Noomah | Helene Conradi Kløvstad |
| Kielâ | tárukielâ |
| Peerâ | |
| Vanhimeh | Otto Louis Grennes Grenness já Helene Johanne Haslund Grenness |
Helene Conradi Kløvstad (j.s. Grenness; cuáŋuimáánu 5. peeivi 1903 Kristiania, Ruotâ-Taažâ – njuhčâmáánu 13. peeivi 1998 Oslo, Taažâ) lâi taažâ máttáátteijee, párnáikirječällee já jurgâleijee.[1][2]
Eellim
muteHelene Conradi Grenness šoodâi cuáŋuimáánu 5. peeivi 1903 Kristianiast, Ruotâ-Taažâst. Suu eeči lâi Otto Louis Grennes Grenness já suu enni lâi Helene Johanne Haslund Grenness (1865–1938).[3][4]. Kuohtuuh láin máttáátteijeeh.[3][4] Sust lâi meiddei stuorrâviljâ, ive 1897 šoddâm Johannes.[5]
Karrieer
muteKløvstad poorgâi škovlâmáttáátteijen Sagene škoovlâst Oslost, Taažâst. 1930-lovvoost sun čaalij 12 párnáikirjed kuulmâ kirjerááiđust.[6] Ko ive 1948 sun jurgâlškuođij Donald Duck & Co -ráiđukove, te sun lâi jo tobdos párnáikirjijnis já pargostis párnái pyerrin.[6][7]
Donald Duck
muteKløvstad lâi Donald Duck & Co -ráiđukove vuossâmuš jurgâleijee já vuossâmuš toimâtteijee.[7] Sun adelij tárukielâg noomâ puoh Carl Barks sárgum huáđđoid. Ráiđukove vuossâmuš nummeer almostui tárukielân juovlâmáánu 1. peeivi 1948.[6][8] Veikkâ Kløvstad kočoduvvoo jurgâleijen, suu pargo lâi čuuvtij vijđásub ko tuše jurgâlempargo, tastko sun heiviittij käldeeteevstâ nuuvt, ete tot heivij pyerebeht Taažâ ohtsâškoodán.[6] Toos lasseen teevstâin sun ij kiävttám maggaargin kuávlukielâ, pic sun čaalij já jurgâlij normâdum kirjetárukielân.[6]
Ive 1961 rääjist suu pargoskippáár Elisabeth Skaare išedij jurgâlempargoost.[8][9] Muáddi ive maŋeláá Skaare sajan poođij sunnuu pargoskippáár, máttáátteijee Vivi Aagaard.
Pargo (uási)
mute- 1950 – Småskolens lesebøker 1: i byen og på landet., oovtâst Thorbjørn Egneráin já Karen Jacobsenáin
- 1950 – Småskolens lesebøker 2: vinter i byen og sommer på heia., oovtâst Thorbjørn Egneráin já Karen Jacobsenáin
- 1951 – Småskolens lesebøker 3: sør og nord i landet., oovtâst Thorbjørn Egneráin já Karen Jacobsenáin
- 1951 – Småskolens lesebøker 4: verden er stor., oovtâst Thorbjørn Egneráin já Karen Jacobsenáin
- 1952 – Lesebøker for småskulen, oovtâst Thorbjørn Egneráin já Karen Jacobsenáin
- 1959 – Dansk og svensk for folkeskolen
- 1961 – Skolen ved fossen: 1861–1961
Käldeeh
mute- ↑ Helene Conradi Grenness Historisk befolkningsregister. Čujottum 4.10.2023. (kirjetárukielân)
- ↑ Person: Helene Conradi Kløvstad Digitalarkivet. Čujottum 4.10.2023. (kirjetárukielân)
- ↑ a â Otto Louis Grennes Grenness Historisk befolkningsregister. Čujottum 4.10.2023. (kirjetárukielân)
- ↑ a â Helene Johanne Haslund Grenness Historisk befolkningsregister. Čujottum 4.10.2023. (kirjetárukielân)
- ↑ Person: 003 Johannes Grenness Digitalarkivet. Čujottum 4.10.2023. (kirjetárukielân)
- ↑ a â b c č Sørensen, Øystein: Fra Duckburg til Andeby: Donald på norsk Norsk Oversetterleksikon. Čujottum 4.10.2023. (kirjetárukielân)
- ↑ a â Nyhet! Første nummer av Walt Disney's Donald Duck & Co. Friheten, 1.12.1948, 8. ihekerdi, nr 280, s. 2. Artikkâl nettiversio Čujottum 4.10.2023. (kirjetárukielân)
- ↑ a â Holen, Øyvind: Donald-landet: Hvordan en and i matrosdress formet det moderne Norge. Vigmostad & Bjørke, 2012. (kirjetárukielân)
- ↑ Holtan, Kai: Donaldikk. Moss Dagblad, 11.6.2004, 93. ihekerdi, nr 65, s. 4. Artikkâl nettiversio Čujottum 4.10.2023. (kirjetárukielân)