Han Kang
| Han Kang 한강 (koreakielân) | |
|---|---|
| |
| Šoddâm | skammâmáánu 2. peeivi 1970 Gwangju, Maadâ-Korea |
| Pargo | |
| Áámmát | kirječällee, professor |
| Noomah | 한강, 韓江 |
| Kirjálâšvuođâ šlaajâ | čaabâkirjálâšvuotâ |
| Kielâ | koreakielâ |
| Peerâ | |
| Vanhimeh | eeči: Han Seung-won |
Han Kang (koreakielân 한강, Han Gang; š. skammâmáánu 27. peeivi 1970 Gwangju, Maadâ-Korea) lii maadâkorealâš kirječällee já kreatiivlii čäällim professor Soul taaiđâinsituutist.[1] Sun čáálá jieijâs eenikielân ađai koreakielân. Han kirjeh iä lah val jurgâlum anarâškielân.
Ive 2024 sun vuoitij Nobel-kirjálâšvuotâpalhâšume.[2] Han Kang lii vuossâmuš maadâkorealâš, kote lii vuáittám Nobel-kirjálâšvuotâpalhâšume.[3]
Eellim
muteHan Kang šoodâi skammâmáánu 27. peeivi 1970 Gwangjust, Maadâ-Koreast. Suu eeči lii maadâkorealaš kirječällee Han Seung-won.[4][5] Suu stuorrâviljâ lii Han Dong-rim, kii lii meiddei kirječällee.[6] Perruu vuossâmuuh kyehti párnáá jaamijn ovdil ko Han šoodâi.[7] Sunnust nubbe lâi uccâ nieidâš, kii jaamij tuše muádi tiijme ahasâžžân. Han čaalij sust ive 2016 almostum kirjestis 흰 (anarâškielân Vielgâd).[7]
Palhâšumeh
muteIve 2016 Han vuoitij Man Booker aalmugijkoskâsii palhâšume eŋgâlâskielâg versiost kirjestis 채식주의자 (eŋgâlâskielân The Vegetarian), mon brittilâš jurgâleijee Deborah Smith lâi jurgâlâm koreakielâst.[6] Taan kirje áánsust sun šoodâi uápisin lohheid pirrâ maailm.[5] Muáddi ive maŋeláá sun lâi iävtukkâssân siämmáá palhâšumán kirjestis 흰 (eŋgâlâskielân The White Book), mon lâi jurgâlâm siämmáš jurgâleijee ađai Deborah Smith.
Roovvâdmáánu 10. peeivi 2024 Han Kang vuoitij Nobel-kirjálâšvuotâpalhâšume "intensiivlii, tivtâlii proosast, mii kieđâvuš historjálijd traumaid já puáhtá ulmui háváduvâšvuođâ uáinusân".[2]
Kirjeh
mute| Ihe | Koreakielâg nommâ | Jurgâlus eŋgâlâskielân | Šlaajâ | Kuástideijee |
|---|---|---|---|---|
| 1995 | 여수의 사랑 | (A) Love of Yeosu[8][9] | uánihis romaneh | Moonji |
| 1998 | 검은 사슴 | Black Deer | roomaan | Munhakdongne |
| 2000 | 내 여자의 열매 | My Woman's Fruits | uánihis romaneh | Changbi |
| 2002 | 그대의 차가운 손 | Your Cold Hands | roomaan | Moonji |
| 내 이름은 태양꽃 | My Name is Sun Flower | uánihis roomaan | Munhakdongne | |
| 2003 | 붉은 꽃 이야기 | The Red Flower Story | uánihis roomaan | Yolimwon |
| 사랑과, 사랑을 둘러싼 것들 | Love and Things Surrounding Love | esseeh | Yolimwon | |
| 2007 | 가만가만 부르는 노래 | A Song to Sing Calmly | esseeh | Bichae |
| 천둥 꼬마 선녀 번개 꼬마 선녀 | Thunder Little Fairy, Lightning Little Fairy | nooveel | Munhakdongne | |
| 채식주의자 | The Vegetarian | roomaan | Changbi | |
| 2008 | 눈물상자 | Tear Box | nooveel | Munhakdongne |
| 2010 | 바람이 분다, 가라 | The Wind Blows, Go | roomaan | Moonji |
| 2011 | 희랍어 시간 | Greek Time | roomaan | Munhakdongne |
| 2012 | 노랑무늬영원 | Yellow Pattern Eternity | uánihis romaneh | Moonji |
| 2013 | 서랍에 저녁을 넣어 두었다 | I Put Dinner in the Drawer | tihtâantologia | |
| 2014 | 소년이 온다 | A Boy Is Coming | roomaan | Changbi |
| 2016 | 흰 | White | roomaan | Nanda |
| 2021 | 작별하지 않는다 | Don't Say Goodbye | roomaan | Munhakdongne |
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Han Kang.
Käldeeh
mute- ↑ Han Kang www.fantasticfiction.com. Čujottum 10.10.2024. (eŋgâlâskielân)
- ↑ 2,0 2,1 The Nobel Prize in Literature 2024 nobelprize.org. 10.10.2024. Čujottum 10.10.2024. (eŋgâlâskielân)
- ↑ Gustafsson, Miia já Kiviranta, Varpu: Kirjallisuuden Nobelin on voittanut eteläkorealainen Han Kang Yle. 10.10.2024. Čujottum 10.10.2024. (suomâkielân)
- ↑ Han seung-won(한승원) Korealâš kirjálâšvuođâ digitaallâš kirjerááju. Čujottum 10.10.2024. (eŋgâlâskielân)
- ↑ 5,0 5,1 Koppinen, Mari já Kanerva, Arla: Vegetaristi-romaanistaan tunnettu eteläkorealainen Han Kang sai kirjallisuuden Nobelin Helsingin Sanomat. 10.10.2024. Čujottum 10.10.2024. (suomâkielân)
- ↑ 6,0 6,1 Doo, Rumy: Han Kang wins Booker award The Korea Herald. 17.5.2016. Čujottum 10.10.2024. (eŋgâlâskielân)
- ↑ 7,0 7,1 Beckerman, Hannah: Han Kang: ‘If I was 100% healthy I couldn’t have become a writer’ The Guardian. 17.12.2017. Čujottum 10.10.2024. (eŋgâlâskielân)
- ↑ Biobibliography nobelprize.org. Čujottum 10.10.2024. (eŋgâlâskielân)
- ↑ Brillian Yonseians Yonsei ollâopâttâh. Čujottum 10.10.2024. (eŋgâlâskielân)