Anna Näkkäläjärvi-Länsman
| Anna Näkkäläjärvi-Länsman | |
|---|---|
| Persovntiäđuh | |
| Šoddâm | 1979 |
| Šoddâmsaje | Aanaar, Suomâ |
| Aalmugjeessânvuotâ | Suomâ |
| Musikkár | |
| Artistnommâ | Ánnámáret |
| Lávlumkielah | orjâlâškielâ |
| Čuojânâsah | jienâ, klarinet |
| Skiärrufinnodâh | Real World Records
|
| Lasetiäđuh | |
| Päikkisijđo | https://www.annamaret.fi/ |
Anna Näkkäläjärvi-Länsman[1] (š. 1979 Aanaar)[2] lii sämmilâš jyeigee, lávloo, šuoŋârähtee, kulttuurpargee, sämimuusik máttáátteijee já náguskirjetotkee. Sun lii tobdos meiddei artistnoomáin Ánnámáret.[3] Anna Näkkäläjärvi-Länsman ráhtá lavluid já juáigusijd orjâlâškielân, já sun lii toimâm Ijâttes ijjâ -muusikfestivaal taiđâlâš jođetteijen jo maŋgâ ive.
Eellim
muteAnna Näkkäläjärvi-Länsman šoodâi Anarist ive 1979. Sun uásálistij Säminuorâi taaiđâtábáhtusân 11-ihásâžžân oovtâst eres jyeigeiguin.[4] Tastmaŋa sun kiddiistui muusikist já čuojâtškuođij klarinet Anarist. Suu klarinetmáttáátteijee lâi Marja Mustakallio.[2] Maŋeláá Anna varrij Ruávinjaargân. Tobbeen sun juuđij luvâttuv já siämmást luuvâi klarinetčuojâttem Laapi muusikopâttuvâst, kost suu máttáátteijee lâi Esko Parikka.[4] Luvâttuv maŋa sun varrij Tamperen juátkiđ muusikuápuidis.[4] Tamperest sun valmâštui klarinetmáttáátteijen.[4] Valmâštum maŋa sun varrij Helsigân luuhâđ Sibelius-Akatemiast.[5]
Anna varrij maasâd Ruávinjaargân ive 2008 Hämeenlinnast, kost sun lâi čuojâttâm klarinet Suáldátsuáittukoddeest.[4] Ive 2011 sun naajâi ucjuvlâš puásuialmai já sämipolitikkár Asko Länsmanáin.[6] Sunnust láá kyehti párnáá.[6] Peerâ áásá tääl Njuárgámist Tiänujuuvâ riddoost.[6]
Karrieer
muteMuusik
mute.jpg)
Anna Näkkäläjärvi-Länsman muusikkarrieer lii lamas maaŋgâpiälálâš. Sun lii čuojâttâm klarinet sehe Suáldátsuáittukoddeest já Laapi káámmárorkesterist, já sun lii meiddei juoigâm oovtâst Laapi káámmárorkesteráin.[7] Ive 2011 Näkkäläjärvi-Länsman almostitij vuosmuu skiäru Beallječiŋat oovtâst Ánnámáret Ensemble -muusikjuávhoin. Sun lii almostittám kyehti skiäru oovtâst Ánnámáret Ensemble -muusikjuávhoin, kyehti skiäru já oovtâ single oovtâst Ánnámáret-muusikjuávhoin, já orjâlâškielâlii salmâskiäru oovtâst Raimo Paasoin.[8][9]
Karrieeris ääigi Anna Näkkäläjärvi-Länsman lii porgâm ohtsâšpargo jieškote-uvlágánij artistijguin. Porgemáánust 2021 sun almostitij oovtâst Ailu Vallein uđđâ versio pittáást Johtit ain, mii lâi algâaalgâlávt almostum albumist Nieguid duovdagat.[10] Ive 2022 almostui Čuovgga urbi -nommâsâš juovlâlaavlâ, mon Anna Näkkäläjärvi-Länsman raahtij oovtâst Inger-Mari Aikioin.[11] Siämmáá ive almostui meiddei Mimmit-muusikjuávhu juovlâskiärru Puhuri, mii siskeeld meiddei Ánnámáret juáigus.[12]
Ive 2023 Ánnámáret lâi fáárust WOMEX Worldwide Music Expo -festivaal Showcase-ohjelmist.[13]
Pargo
muteAnna Näkkäläjärvi-Länsman pargokarrieer-uv lii lamaš maaŋgâpiälálâš. Sun lii porgâm el. kulttuurčällen Sämitiggeest ive 2010, taidârin Taiđuu ovdedemkuávdáást ivij 2012–2015 sehe proojeekthovdân já muusikmáttáátteijen Säämi muusikakatemiast Ucjuuvâst ive 2016 rääjist.[14]
Diskografia
muteAlbumeh
mute- 2011 – Beallječiŋat[15]
- 2016 – Gollehelmmot[16]
- 2021 – Nieguid duovdagat[17][18]
- 2021 – Čále, Jesus, iežat gova, oovtâst Raimo Paasoin (uurguh)[19]
- 2024 – Bálvvosbáiki[20]
Singleh
mute- 2021 – Johtit ain, oovtâst Áilu Vallein[21]
- 2024 – Njáhcu
Nurâldâhskiäruh
mute- 2016 – Kansanmusiikki: CD 10, pittáin Ruoktu : Home / Koti[22]
Nuotah
mute- 2017 – 100 laulua Suomesta, Vuoi ráhkkásan -pitá sannim já nuottim[23]
- 2017 – Sagoland eller Paradis, Vuoi ráhkkásan -pitá sannim já nuottim[24]
- 2017 – Satumaa vai Paratiisi, Vuoi ráhkkásan -pitá sannim já nuottim[25]
Jurgâlusah
mute- 2017 – Lapinäidin tuutulauluja, pitái jurgâlem orjâlâškielân[26]
Videoh
mute- 2020 – Nieguid Duovdagat[27]
- 2021 – Dolat, oovtâst Marja Viitahuhtain
Fáádást eres soojijn
mute- Ánnámáret (eŋgâlâskielân)
- Dolat-videotyeji Yle Areenast
Käldeeh
mute- ↑ Ánnámáret ISNI International Agency. Čujottum 12.11.2024. (eŋgâlâskielân)
- ↑ 2,0 2,1 Magga-Kumpulainen, Rita: Aamulla varhain tien päälle Kaltio. 9.12.2017. Čujottum 12.11.2024. (suomâkielân)
- ↑ Ollikainen, Milla: Saamelainen muusikkokin joutuu kysymään itseltään: voinko oppia joikaamaan? Nyt Anna Näkkäläjärvi-Länsman tutkii joiun mysteeriä seura.fi. 25.2.2021. Čujottum 12.11.2024. (suomâkielân)
- ↑ 4,0 4,1 4,2 4,3 4,4 Anna Näkkäläjärvi populappi.rovaniemi.fi. Čujottum 12.11.2024. (suomâkielân)
- ↑ Arkistonauhoilta kajahtivat äänet sukupolvien takaa – omille juurille palaaminen vei muusikon Linnan juhliin saakka Maaseudun Tulevaisuus. 25.2.2021. Čujottum 12.11.2024. (suomâkielân)
- ↑ 6,0 6,1 6,2 Anna rakastui poromieheen: ”Olin niin kyllästynyt sinkkuelämän sähläämiseen, että ajattelin pärjääväni yksin” Kodin Kuvalehti. 12.3.2021. Čujottum 13.11.2024. (suomâkielân)
- ↑ Ánnámáret Lapin kamariorkesterin solistina annamaret.fi. 5.11.2020. Čujottum 13.11.2024. (suomâkielân)
- ↑ Ánnámáret Ensemble Beallječiŋat dál Spotifyas annamaret.fi. 13.2.2020. Čujottum 13.11.2024. (tavesämikielân)
- ↑ Saamenkielinen virsilevy sukeltaa vuosisatojen taakse Rauhan Tervehdys. 15.2.2021. Čujottum 13.11.2024. (suomâkielân)
- ↑ Ailu Valle features Ánnámáret's song annamaret.fi. 9.8.2021. Čujottum 14.11.2024. (eŋgâlâskielân)
- ↑ Valon silmussa soi Iman ja Ánnámáretin uusi toivo annamaret.fi. 28.11.2022. Čujottum 14.11.2024. (suomâkielân)
- ↑ Mimmit ja Ánnámáret yhdessä uudella lastenmusiikkalbumilla annamaret.fi. 25.11.2022. Čujottum 14.11.2024. (suomâkielân)
- ↑ WOMEX 2023 Music Finland. Čujottum 14.11.2024. (suomâkielân)
- ↑ Anna Näkkäläjärvi-Länsman LinkedIn. Čujottum 14.11.2024. (eŋgâlâskielân)
- ↑ Beallječinat Earrings Finna. Čujottum 13.11.2024. (tavesämikielân)
- ↑ Gollehelmmot Finna. Čujottum 13.11.2024. (tavesämikielân)
- ↑ Ánnámáret : Nieguid duovdagat Levykauppa Äx. Čujottum 13.11.2024. (suomâkielân)
- ↑ 2021 (Iävtukkâssân ive etnoalbum -luokkaast) Emma Gaala. Čujottum 13.11.2024. (suomâkielân)
- ↑ Čále, Jesus, iežat gova – virsilevyn julkistaminen Saamelaiskulttuurikeskus Sajoksessa Inarissa lauantaina 20.2. klo 18.30 Oulu pispekodde. 5.2.2021. Čujottum 13.11.2024. (suomâkielân) já (tavesämikielân)
- ↑ Ánnámáret : Bálvvosbáiki Levykauppa Äx. Čujottum 13.11.2024. (suomâkielân)
- ↑ Johtit ain Finna. Čujottum 13.11.2024. (tavesämikielân)
- ↑ Kansanmusiikki. CD 10 Finna. Čujottum 13.11.2024. (tavesämikielân)
- ↑ 100 laulua Suomesta Finna. Čujottum 13.11.2024. (tavesämikielân)
- ↑ Sagoland eller Paradis : sånger från och om Finland Finna. Čujottum 13.11.2024. (tavesämikielân)
- ↑ Satumaa vai Paratiisi : lauluja Suomesta Finna. Čujottum 13.11.2024. (tavesämikielân)
- ↑ Rinnallani aina : Lapin sairaanhoitopiirin tuutulaulu Finna. Čujottum 13.11.2024. (tavesämikielân)
- ↑ Nieguid Duovdagat, 2020 Suomâ aalmuglâšgalleria. Čujottum 13.11.2024. (suomâkielân)