Albania

Albania (albaniakielân Shqipëria, jurg. 'kuáskimij eennâm') ađai Albania täsiväldi (albaniakielân Republika e Shqipërisë) lii staatâ Balkanist Euroopist. Ton uáivikaavpug lii Tirana.

Albania täsiväldi Republika e Shqipërisë (albaniakielân)
lippu	vaakun
Staatâhäämi	täsiväldi
President	Bajram Begaj
Uáiviminister	Edi Rama
Uáivikaavpug	Tirana
Eres kaavpugeh	Elbasan, Durrës
Vijđodâh	28 748 km²
– sisčääci	4,7 %
Ässeeloho (2020)	2 845 955
– ässeesaahâdvuotâ	98 ässed/km²
Virgáliih kielah	albaniakielâ
Vaaluut	lek (ALL)
Äigi	UTC+1
– kesiäigi	UTC+2
Jiečânâsvuotâ
– Osmanij väldikoddeest	28. skammâmáánu 1912
Uánádâs	AL
– fiävruin	AL
– kirdemmašinijn	ZA
Jotolâh	uálgispiälásâš
Sundenummeer	+355
Internet TLD	.al
Motto	"Ti Shqipëri, më jep nder, më jep emrin Shqipëtar"
Aalmuglâšlaavlâ	Himni i Flamurit

Eennâmtiätu

Albania vijđodâh lii 28 748 km², mast 1 350 km² lii čääci. Vijđoduv mield Albania lii maailm 144. stuárráámus staatâ.

Sajadâh já rääjih

Albania lii staatâ Balkanist maadânuorttâ-Euroopist. Ton ránnjástaatah láá tavenuorttân Kosovo, nuorttân Tave-Makedonia, mäddin Kreikka já taveuárjin Montenegro. Albaniast staatârääjih láá ohtsis 691 km. Kuhemus rääji lii rääji Kreikkain, mii lii 212 km. Uánihumos rääji vist lii 112 km rääji Kosovoin. Albania rájášuvá viestârist Adria- já Jooniameerân, moh kuleh Koskâmeerân. Merâriddo lii ohtsis 362 km.

Suolluuh

Albania stuárráámus suálui Sazan

Albania stuárráámuuh suolluuh láá Sazan (5,7 km²), Merxhan teikkâ meid Kunë (1,4 km²), Malsori (0,4 km²) já Zvërnec (0,1 km²).

Jäävrih já juuvah

Albania 5 stuárráámuu jäävri

Nr	Kove	Jävri	Vijđodâh
1		Shkodër	149 km²
2		Ohrid	111,2 km²
3		Fierza	70,14 km²
4		Prespa	46,3 km²
5		Vau i Dejës	25 km²

Albania 5 kuhemuu juuvâ

Nr	Kove	Juuhâ	Kukkodâh
1		Drin	285 km
2		Devoll	196 km
3		Vjosa	192 km
4		Shkumbin	181,4 km
5		Osum	161 km

Morfologia

Korab lii Albania alemus vääri.

Albania alemus saje lii Korab čokke (2 764 m). Korab maŋa Albania alemuuh väärih láá Jezercë (2 694 km), Grykat e Hapëta (2 625 km), Maja e Popllukës (2 578 km) já Radohina (2 568 km).

Staatâ vyeligumos saje vist lii Adriameerâ riddo (0 m).

Haldâttâh já politiik

Albania staatâhäämi lii parlamentaarlâš täsiväldi. Albania staatâhovdâ lii president. Tááláš president lii Bajram Begaj.

Ekonomia

Iäláttâsah

Albaniast láá ennuv váráduvah, já tondiet viljâlem lii tuše käržis riddokuávlust.

Viehâdâh

Ässeeloho

Albania ässeeloho lii suulân 2,86 miljovn, kiäin váhá paijeel peeli láá muslimeh.

Kaavpugeh

Skanderbeg tori Tiranast

Albania uáivikaavpug já stuárráámus kaavpug lii Tirana.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Albania.