Čuovâuáivi peivikirje – Jo rijttáá
Čuovâuáivi peivikirje – Jo rijttáá (eŋgâlâskielân Diary of a Wimpy Kid: The Last Straw já suomâkielân Neropatin päiväkirja: Viimeinen oljenkorsi) lii nuorâiroomaan, mon Jeff Kinney lii čáállám já kuvvim. Kirje lii algâalgâlávt čallum eŋgâlâskielân. Eŋgâlâskielâlâš kirje almostui uđđâivemáánu 13. peeivi 2009.[1] Tot lii kuálmád kirje siämmáánommâsii kirjerááiđust. Fabrizio Brecciaroli lii jurgâlâm kirje anarâškielân, já Anarâškielâ servi lii kuástidâm tom. Anarâškielâlâš kirje almostui ive 2022.[2]
Juonâ mute
Greg Heffley ij paste keksiđ, maht sun puávtáččij ovdediđ jieijâs. Jieijâs mielâst sun lii jo tääl ohtâ pyeremuin kaandâin maailmist. Taan keežild jieijâs ovdedem ij kuulâ suu tehálumosáid ulmijd. Mut vaidâlittee kale tot kulá-uv Greg eeji ulmijd. Eeči haalijd, et suu nörttialge ličij virkkuu já valastâlâččij eenâb. Keevâtlávt tot meerhâš, et Greg ferttee tuástuđ ráŋgáštâsčiehčâmijd, čokkáđ kolmâ muulsâpeeŋkâ alne já vyerdiđ jieijâs spellâvuáru. Ko kaandâ áigápuáđuh spellâkiedist iä riävtui lah tuárvi pyereh iäčán, te Greg kalga keksiđ maidnii muide maht almaaštâllâđ. Mut tot kalga tiäđust-uv leđe tuárvi älkkee.
Käldeeh mute
- ↑ The Wimpy Kid Series Wimpy Kid. Čujottum 6.1.2024. (eŋgâlâskielân)
- ↑ Brecciaroli, Fabrizio: Jeff Kinney särjikoveroomaan Čuovâuáivi peivikirje – Hyenes luho keesi lii almostum anarâškielân anarasaavis.fi. 19.12.2023. Čujottum 6.1.2024.