Vuávlááh
Vuávlááh (Emberizidae, suomâkielân sirkut) lii varbusluudij laahkon kullee loddehiäimu, mast láá 5 suuvâ já 41 šlaaijâd.[1]
| Vuávlááh Emberizidae (Vigors, 1831) |
|
|---|---|
.jpg) |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Varbuslodeh Passeriformes |
Tiettum Aanaar kuávlust mute
Aanaar kuávlust vuávlááh láá ohtsis 6 šlaajâ:[2]
- Fiskisvuávláš (Emberiza citrinella, suom. keltasirkku)
- Piälduvuávláš (Emberiza hortulana, suom. peltosirkku)
- Tavevuávláš (Schoeniclus rusticus, suom. pohjansirkku)
- Uccâvuávláš (Schoeniclus pusillus, suom. pikkusirkku)
- Puájuivuávláš (Schoeniclus schoeniclus, suom. pajusirkku)
- Ränisvuávláš (Emberiza calandra, suom. harmaasirkku)
Nomâttâsah mute
Sääni vuávláš lii máhđulávt deminutiivhäämi vyevli-säänist. Puohâin vuávláin kale ij lah vyevli čiäppát pirrâ, mut kuittâg-uv šlaajâst, mii lii Säämist táválâš: puájuivuávláást.[2]
Puájuivuávláš-nomâttâs lii luávnejum suomâkielâst. Fiskisvuávláást lii lamaš puáris nommâ: fiskiscissááš. Tot lii kieđâvuššum cissái nomâttâsâi puotâ já lii lamaš aanoost maaŋgâ loddešlaajâst. Tondiet taat lodde lii finnim uđđâ noomâ, mii čáittá olmâ suuvâ já kovvee lode olgohäämi peeleest.[2]
Vuávláin láá ennuv tagareh šlaajah, main ij lah ovdiist lamaš nommâ já moh esken luudij nomâttem ääigi láá finnim noomâs. Tagareh šlaajah láá piälduvuávláš, tavevuávláš, uccâvuávláš já ränisvuávláš. Uccâvuávláš lii Suomâst härvinâš lodde, mut tom liijká-uv puávtáččij mahtnii anneeđ aanaarlâžžân: tot oinui ubâ enâmist vuosmuu keerdi Avelist kesimáánu 18. peeivi 1935.[2]
Fáádást eres soojijn mute
Wikimedia Commonsist láá koveh teikkâ eres tiätuvuárháh fáádást Vuávlááh.
Käldeeh mute
- ↑ Maailman lintujen suomenkieliset nimet web.archive.org. 15.2.2018. BirdLife Suomâ. Čujottum 21.2.2023. (suomâkielân)
- ↑ 2,0 2,1 2,2 2,3 Olthuis, Márjá-Liisá: Vuávlááh. Anarâš-kalender 2006, 2006. Anarâškielâ servi ry.