Uárreemyerji
Uárreemyerji (Maianthemum bifolium) lii uárreemuorjij suuhân já parsašadoi hiäimun kullee maaŋgâihásâš, ruáhuviärdásâš šaddo, mii šadda suuvrâ enâmijn, ij aaibâs tavemuu Säämist kuittâg.[1]
Tobdomeerhah mute
Uárreemyerji lii 5–15 cm alosâš. Tot lieđđee juo algâkeesist uccâ českisvielgis liäđusijd, já tast láá kyehti stuorrâ vááimuhámásâš loostâ. Tot ráhtá ruopsis jurbâ muorjijd muádi myerji haaŋkân. Uárreemuorjijn lii ucánjáhháá ruusinsmakkâ.[1]
Mirhâlâšvuotâ já kevttim mute
Myerjih láá mirhâliih, ige toid lah maggaargin ano. Talhâsfabrikeh iä tuhhiit taam šado. Muorjij puurrâm ferttee váruttiđ, ko párnááh sättih taid pieijâđ njálmásis.[1]
Fáádást eres soojijn mute
- Wikimedia Commonsist láá koveh teikkâ eres tiätuvuárháh fáádást Uárreemyerji.
Käldeeh mute
- ↑ 1,0 1,1 1,2 Aikio, Jouni: Säämi myerjih. Anarâš-kalender 2004, 2004. Anarâškielâ servi ry.