Tuáršu

Tuáršu (Anas platyrhynchos) lii viettui suuhân kullee loddešlaajâ.

Tuáršu Anas platyrhynchos (Linnaeus, 1758)
Tile	LC (eellimvuáimálâš)
Tile Suomâst	LC (eellimvuáimálâš)
Tieđâlâš luokittâllâm
Doomeen	Sellâvááimusliih Eucarya
Kodde	Elleekodde Animalia
Uáiviráiđu	Savosuonâsiih Chordata
Vyeliráiđu	Čielgitávtáliih Vertebrata
Luokka	Lodeh Aves
Lahko	Viettuulodeh Anseriformes
Hiäimu	Viettuuh Anatidae
Suuhâ	Viettuuh Anas
Šlaajâ	platyrhynchos

Stuárudâh já tobdomeerhah

Ores tuáršuin lii čuovjis teikkâ ruánáá uáivi já niŋálâsâin lii kuovgisruškis uáivi. Tuáršu ruumâš lii ruškâd já vielgâd. Niŋálâs suájáh láá uásild čuovjâdeh.

Tuáršu tiäddu lii 0,7–1,6 kg já kukkodâh lii 50–65 cm.

Laavdâm já ellimpiirâs

Tuáršu laavdâm

Tuáršu tiättoo Tave-Amerikist, Maadâ-Ruánááenâmist, Euroopist, Tave-Afrikist já Aasiast. Šlaajâ lii ištâdum meiddei Australian já Uđđâ-Seelandân.

Tuáršu puáhtá kuáhtáđ masa jyehi kuávlust Suomâst. Suomâ tuáršunääli lii suulân 200 000 pessejeijee paarrâd.

Tuáršuh eelih jaavrijn, juuvâin, meecijn teikkâ joba kaavpugijn.

Lasanem

Ores tuáršust láá maaŋgâlágáneh kiihâmlattiimeh. Kivâdijn ores tuáršuh čaittâleh niŋálâssáid eromâšávt čuovjisviolet suájáspejâlijdis. Kiihâm maŋa niŋálâs tuáršu huksee piervâl, mii lii rogge šadolâšvuođâ syejeest. Niŋálâs mannee 8–12 manneed, já láálá taid suulân 26 peivid.

Raavâd

Tuáršu porá siemânijd, tiivrijd já kuolijd.

Eres tiäđuh

Tuáršu lii pelipuohčâleijee.