Triathlon kesiolympialijn 2024
Triathlon lâi ohtâ Pariisi 2024 kesiolympialij valastâllâmšlaajâin. Ive 2024 lâi 7. kerdi ko triathlon lâi fáárust kesiolympialijn. Kištoh uárnejuvvojii syeinimáánu 31. – porgemáánu 5. peeivij Alexandre III -šalde oovdân huksejum kobđoo ponttoonist Seinejuuvâst.
Formaat
muteOlympialijn sehe almaah já nisoneh kištottâllii sierâ kištoin, mut puohah vyejih čääsist 1 500 m, vyejih pyeráin 40 km já käččih 10 km. Tokio 2020 kesiolympialijn uđđâ vyelišlaaijân lasettui siähálâsviestâ, mast kyevti nissoon já kyevti almaa juávhuh kištottâllii uánihis raađeest.[1]
Seinejuuvâ čääsi kvaliteet
muteTriathlon vuoijâmuási tollui Seinejuuvâst. Seinejuuvâ čääsi kvaliteet lâi stuorrâ huolâ olympialij uárnejeijeid. Syeinimáánu 28. piäiván vuávájum triathlonhárjuttâllâm macâttui hyenes čäcikvaliteet keežild, já almai triathlon sirdui syeinimáánu 29. peeivist syeinimáánu 31. piäiván siämmáá suujâ keežild. Syeinimáánu 31. peeivi kišto viijmâg tollui.[2]
Lâi ennuv savâstâllâm tast, et jis triathlon ličij-uv kištottâllum duathlonin, adai vuoijâmuási ličij macâttum ollásávt, já kištoost liččii lamaš tuše pyeráinvyeijim já kaččâm. Jis triathlon ličij muttum duathlonin, te tien tááhust kištoost liččii lamaš kaččâm, pyeráinvyeijim já loopâst val nubbe kaččâm.[2]
Čuolmân Seinejuuvâ čääsist lâi E-kolibakteerij meeri. Taah bakteereh puátih ulmui já ellei pooškâin. Jis olmooš vuojâd tuolvâ čääsist, mast láá E-kolibakteereh, te sun máhđulávt puáccáá vyeksim- já luččâtaavdân. Tot ij lah hirmâd varâlâš mut toovât kale kištoid já kištottâlleid váiváás tile. Motomeh valastâlleeh purrii visesvuođâ tiet antibiootijd, amas sij puáccáđ vuojâdâtmist.[2]
Miitaaltavlustâh
mute| Saje | Eennâm | 
|
|
|
|
|---|---|---|---|---|---|
| 1 |  Ovtâstum kunâgâskodde |
1 | 0 | 2 | 3 |
| 2 |  Ranska |
1 | 0 | 1 | 2 |
| 3 |  Saksa |
1 | 0 | 0 | 1 |
| 4 |  Uđđâ-Seeland |
0 | 1 | 0 | 1 |
 Sveicci |
0 | 1 | 0 | 1 | |
 Ovtâstum staatah |
0 | 1 | 0 | 1 | |
| Ohtsis | 3 | 3 | 3 | 9 | |
Mitalisteh
mute| Šlaajâ | Kolle | Silbâ | Pronssi | |||
|---|---|---|---|---|---|---|
| Nisonij ohtuukišto |
Cassandre Beaugrand Ranska (FRA) |
1:54:55 | Julie Derron Sveicci (SUI) |
1:55:01 | Beth Potter Ovtâstum kunâgâskodde (GBR) |
1:55:10 |
| Almai ohtuukišto |
Alex Yee Ovtâstum kunâgâskodde (GBR) |
1:43:33 | Hayden Wilde Uđđâ-Seeland (NZL) |
1:43:39 | Léo Bergère Ranska (FRA) |
1:43:43 |
| Siähálâsviestâ |
Saksa Tim Hellwig Lisa Tertsch Lasse Lührs Laura Lindemann |
1:25:39 | Ovtâstum staatah Seth Rider Taylor Spivey Morgan Pearson Taylor Knibb |
1:25:40 | Ovtâstum kunâgâskodde Alex Yee Georgia Taylor-Brown Sam Dickinson Beth Potter |
1:25:40 |
Käldeeh
mute