Skotland
Skotland lii Ovtâstum kunâgâskode uásikuávlu. Stuárráámus kaavpug lii Glasgow, mut Skotland uáivikaavpug lii Edinburgh. Skotland lii Ovtâstum kunâgâskode nubben stuárráámus uásikuávlu, já ive 2012 tobbeen assii 8,3 % Ovtâstum kunâgâskode ässein.
| Skotland Scotland Alba |
|
|---|---|
 lippu |
 vaakun |
 |
|
| Uáivikaavpug | Edinburgh |
| Eres kaavpugeh |
Glasgow (stuárráámus) Aberdeen |
| Vijđodâh | 78 789[1] km² |
| Virgáliih kielah | eŋgâlâskielâ, skottikielâ, gaelikielâ |
| Vaaluut | Eŋland pudde (GBP) |
| Äigi | UTC |
| – kesiäigi | UTC+1 |
| Jotolâh | čižetpiälásâš |
| Motto | In My Defens God Me Defend (de facto) |
| Aalmuglâšlaavlâ |
Flower of Scotland (de facto) |
Historjá mute
Skotland lâi jiečânâs staatâ 800-lovvoost ive 1603 räi, ko skotlandlâš James VI šoodâi Eŋland, Irland já Skotland kunâgâssân.[2] Ive 1707 šoodâi Stuorrâ-Britannia ovtâstum kunâgâskodde.[3] Skotland lii onnáá peeivi autonomisâš kuávlu, mut tot lii halijdâm jienâstiđ jieijâs jiečânâsvuođâst tastmaŋa ko Ovtâstum kunâgâskodde iäránij Euroop unionist ive 2020.
Eennâmtiätu mute
Skotland luávdá Stuorrâ-Britannia suolluu tavemuu kuálmádâs. Rääji nannaam-Skotland já Eŋland kooskâst lii 154 km kukke. Atlant väldimeerâ, Irlandmeerâ já Tavemeerâ pirâstiteh Skotland. Skotlandist láá meid suulân 790 suollud.[4] Stuárráámus uási ässein ääsih Skotland koskâoosijn, kost lii meid uáivikaavpug Edinburgh.
Kuávlulâš jyehim mute
Skotland lii juohhum 32 haaldâtlii kuávlun, main vijđoduv mield stuárráámus lii Highland[5] já ässeelovo mield stuárráámus lii Glasgow City.[6] Tááláš jyehim poođij vuáimán cuáŋuimáánu 1. peeivi 1996.[7]
Fáádást eres soojijn mute
Wikimedia Commonsist láá koveh teikkâ eres tiätuvuárháh fáádást Skotland.
Käldeeh mute
- ↑ Scotland Facts and Figures – Scotland Info Guide www.scotlandinfo.eu. Čujottum 29.10.2022. (eŋgâlâskielân)
- ↑ Humphreys, Rob: The Rough Guide to Scotland, s. 626. Lontoo: Rough Guides, 2011.
- ↑ Rob Ainsley: Taking Liberties - British Library - home www.bl.uk. Čujottum 18.10.2022. (eŋgâlâskielân)
- ↑ Scottish Islands TravelDock. 28.7.2015. Čujottum 18.10.2022. (eŋgâlâskielân)
- ↑ Standard Area Measurements (2016) for Administrative Areas in the United Kingdom ons.maps.arcgis.com. Čujottum 18.10.2022. (eŋgâlâskielân)
- ↑ Estimates of the population for the UK, England and Wales, Scotland and Northern Ireland - Office for National Statistics www.ons.gov.uk. Čujottum 18.10.2022. (eŋgâlâskielân)
- ↑ Councils, Regions and Counties of Scotland on Undiscovered Scotland www.undiscoveredscotland.co.uk. Čujottum 18.10.2022. (eŋgâlâskielân)