Tirlihhááš
Tirlihhááš lii miähástuvâi hiäimun kullee uceslágán kalâččeijee.
| Tirlihhááš Actitis hypoleucos (Linnaeus, 1758) |
|
|---|---|
.jpg) |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2][3] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Riddolodeh Charadriiformes |
| Vyelilahko | Kalâččeijeeh Charadrii |
| Hiäimu | Miähástuvah Scolopacidae |
| Suuhâ | Tirlihhááh Actitis |
| Šlaajâ | hypoleucos |
Stuárudâh já tobdomeerhah mute
Tirlihhááš lii 18–20,5 cm kukkosâš já tiäddá 41–56 g. Ton selgi lii ränisruškâd, čuávji vielgâd já radde sárgáá. Suájást lii čielgâ vielgis suájásäärgis. Tirlihháá jienâ lii piškelis "ti-vii-viit"-ráiđu.[4]
Lavdâm já eellimpiirâs mute
Tirlihhááš pessee masa ubâ Euroopist já vijđáht meid Aasiast. Suomâst tot pessee masa ubâ enâmist čácáduvâi pirrâ, mut olgosuáluikuávlust já Säämi tuodârkuávluin tot lii härvinâš. Suomâst pessejeh suulân 150 000 paarrâd.[5] Tirlihhááš tálvástâl Maadâ-Euroopist já Afrikist já máccá pessiđ Suomân cuáŋui-vyesimáánust. Čohčâvarrim tábáhtuvá syeini-porgemáánust.[4]
Lasanem mute
Tirlihháá piervâl lii vyeligis kyeppi šadolâšvuođâ syejeest. Niŋálâs mannee vyesimáánust nelji mane, já ores já niŋálâs läälih taid 21–24 peivid. Uđâgááh oceh jieijâs ravâdâs jo viehâ uccen já kirdeškyetih suulân kuulmâ oho ahasâžžân.[4]
Raavâd mute
Tirlihhááš porá čielgitävtittes elleid.[4]
Käldeeh mute
- ↑ IUCN Red List Čujottum 22.6.2021 (eŋgâlâskielân)
- ↑ Valkama, Jari: Tirlihhááš – Actitis hypoleucos Suomen Lajitietokeskus. 2019. Čujottum 30.3.2022. (suomâkielân)
- ↑ BirdLife Suomi Čujottum 22.6.2021 (suomâkielân)
- ↑ 4,0 4,1 4,2 4,3 Luontoportti.fi Čujottum 22.6.2021 (suomâkielân)
- ↑ Suomen lintuatlas Čujottum 22.6.2021 (suomâkielân)