Pivtâsmuocâ
Pivtâsmuocâ (Tineola bisselliella) lii fiskájeijee piäivááloddááš. Suomâst tot tiättoo aainâs-uv maadâ- já koskâoosijn.[1]
| Pivtâsmuocâ Tineola bisselliella (Hummel, 1823) |
|
|---|---|
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Lođâsjuálgásiih Arthropoda |
| Vyeliráiđu | Kuuđâjuálgásiih Hexapoda |
| Luokka | Tivreh Insecta |
| Lahko | Piäivááloddááh Lepidoptera |
| Vyelilahko | Glossata |
| Hiäimu | Muosah Tineidae |
| Vyelihiäimu | Tineinae |
| Suuhâ | Tineola |
| Šlaajâ | bisselliella |
Olgohäämi
mutePivtâsmuosâ roppâ lii 6–7 mm kukkosâš, já ton suájákeejij koskâ lii 9–16 mm[2] (táválávt 12–14 mm[3]).
Eellimkiärdu
muteNiŋálâs mannee tärkkilávt väljejum sajan, mii lii rahtum ulloost, čeevđist, ráánust tâi mast peri elleekoddeest vuálgulâš materiaalist. Saje kalga leđe sevŋâd, ko suoksâ ij killáá čuovâ ollágin. Saje kalga leđe meiddei suáijáá, sajestis pissoo já rávhálâš. Tot kalga leđe še uáli tolmiš, ko suoksâ taarbâš valjeest raavvâd tállán šoddâmis maŋa, vâi tot vajaččij panneeđ jieijâs pirrâ syeijejeijee poccee.[4][5]
Tobbeen suoksâ lii syejeest čuovâst já piäsá jotteeđ kággást raavâdsááiguid ucâmin. Taat suoksâmuddo lii puoh varâlumos kägisamnâsáid. Suovsâ maŋŋaal pääcih nyevih, viermikođos já poškâpááluh. Toi iivne vuáđuld puáhtá miäruštâllâđ mon ivnásijd amnâsijd tot lii puurrâm.[4][5]
Ko suoksâ lii tuárvi stäjidâm kägismateriaal, te tot sirdâšuvá čuávvoo hämimolsommuudon ađai skuáppuluvá. Ko puátteš suhâpuolvâ lii šoddâm, te oppeet uáinojeh rävis muosah kiirdâšmin já paarâ ucâmin. Tuákástâllâm já monnim tábáhtuvá siämmáá saajeest nuuvt kuhe ko raavâd keelijd puáttee suhâpuolvân. Tondiet pilletivrij vijđánem uđđâ čuosáttuvváid lii táválávt hiđes.[4][5]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Pivtâsmuocâ.
Käldeeh
mute- ↑ Tineola bisselliella | Yleiskuvaus | Suomen Lajitietokeskus laji.fi. Čujottum 28.9.2022. (suomâkielân)
- ↑ 11. TINEIDAE | Kleine Vlinders www.kleinevlinders.nl. Čujottum 28.9.2022. (eŋgâlâskielân)
- ↑ Tineola bisselliella bugguide.net. Čujottum 28.9.2022. (eŋgâlâskielân)
- ↑ 4,0 4,1 4,2 Mattus, Ilmari: Muosah. Anarâš-kalender 2011, 2011. Anarâškielâ servi ry.
- ↑ 5,0 5,1 5,2 Vaatekoi Hyönteismaailma. Čujottum 28.9.2022. (suomâkielân)