Tikanoja-taaiđâviäsu
Tikanoja-taaiđâviäsu lii taaiđâmuseo Vaasast. Taaiđâviäsust lii härvinâš čuágáldâh olgoeennâmlijn taaiđâtuojijn, moh láá iänááš rahtum 1800-lovvoost já 1900-lovo aalgâst ranskalii máálámtaiđuu ärbivyevi mield.
Historjá mute
Taaiđâviäsu vuáđudij vaasalâš finnodâholmooš Frithjof Tikanoja (1877–1964), kii skeŋkkij kiddoduv já jieijâs stuorrâ taaiđâčuágálduv Vaasa kaavpugân juovlâmáánu 22. peeivi 1951. Uđđâ museo lekkui Tikanoja ovdii pääihist Vaasa kuávdáást čujottâsâst Hovioikeudenpuistikko 4 siämmáá ive tiäppánpeeivi.[1]
Ive 2015 rääjist Tikanoja-taaiđâviäsu lii kuullâm Vaasa kaavpug museoi ohtsii organisaation oovtâst Kuntsi tááláštaiđuu museoin, Pohjanmaa museoin, Vaasa taaiđâhallijn já Puáris Vaasa museoin.[2]
Museo toimâ mute
Museost uárnejuvvojeh jyehi ive maaŋgah aalmugijkoskâsii já syemmilii taiđuu čáitálduvah. Ton lasseen tobbeen uárnejuvvojeh pirrâ ive maaŋgâlágán tábáhtusah tegu muusiktábáhtusah já taaiđâluvâlduvah.
Fáádást eres soojijn mute
Wikimedia Commonsist láá koveh teikkâ eres tiätuvuárháh fáádást Tikanoja-taaiđâviäsu.
- Tikanoja-taaiđâviäsu virgáliih nettisiijđoh (suomâkielân)
Käldeeh mute
- ↑ Taidekodin historia Vaasa kaavpug museoh. Čujottum 6.4.2022. (suomâkielân)
- ↑ Vaasan kaupungin museot Vaasa kaavpug museoh. Čujottum 6.4.2022. (suomâkielân)
