Sultanah Maliha pyecceiviäsu
Sultanah Maliha pyecceiviäsu (malaijikielân Hospital Sultanah Maliha, uánádâs HSM) lii almolâš pyecceiviäsu Langkawist, Kedahist, Malesiast. Ovdil ton nommâ lâi Langkawi pyecceiviäsu. Pyecceiviäsu lii finnim uđđâ noomâs Kedah sulttaan Sultanah Maliha binti Almarhum Tengku Ariff mield.
Historjá
muteSkammâmáánust 1995 Langkawist lekkui Langkawi pyecceiviäsu, mii poođij Kuahist leijee ovdii staatâkliiniik sajan. Uđđâ pyecceiviäsu lii 7 km Kuahist viestârân já 10 km kirdemkiedist nuortâs. Tom huksij ruátálâš huksimfinnodâh Skanska Pamarajv 53 hehtaar toontin. Aalgâst pyecceiviäsust lijjii 110 uáđđimsaijeed, já tobbeen porgii 557 olmožid.[1] Pyecceiviäsust láá meiddei pargovievâ aassâmvisteh.[1]
Ive 2022 meridui vijđediđ pyecceiviäsu nuuvt, ete tobbeen liččii 330 uáđđimsaijeed já porgâččii 1 903 olmožid.[2] Uđđâ vijđedemuásán puátih ei. kuttâ čuoppâmsali, lase visteh pargoviehân já maaŋgâkiärdásâš parkkitáálu.[2]
Fáádást eres soojijn
muteKäldeeh
mute- ↑ 1,0 1,1 Hospital Sultanah Malihah, Langkawi IEN Consultants. Čujottum 1.3.2024. (eŋgâlâskielân)
- ↑ 2,0 2,1 Khairy: Langkawi’s Sultanah Maliha Hospital to be major specialist hospital Malay Mail. 12.9.2022. Čujottum 1.3.2024. (eŋgâlâskielân)