Sämioppuu
Sämioppuu ađai ränisoppuu (Strix nebulosa) lii oppuuluudij laahkon kullee loddešlaajâ.
| Sämioppuu Strix nebulosa (Forster, 1772) |
|
|---|---|
.jpg) |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2][3] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Oppuulodeh Strigiformes |
| Hiäimu | Oppuuh Strigidae |
| Suuhâ | Särgisoppuuh Strix |
| Šlaajâ | nebulosa |
Stuárudâh já tobdomeerhah
muteSämioppuu lii stuorrâ, 59–68 cm kukkosâš oppuu, mon suájákeejij koskâ lii 128–148 cm. Ores tiäddá 0,65–1,1 kg já stuárráb niŋálâs 1–1,9 kg. Sämioppuu ađai ränisoppuu lii noomâs mield räniskirjáás lodde. Ton uáivi lii styeres, näämi lii sárgáá já njune sehe uccâ čalmeh láá fiskâdeh. Čoolmij paajaabeln láá vielgis sárgáh tego čalmekulmesoksâmeh. Kuhes pottâš keeči lii tevkkâd.[4]
Lavdâm já eellimpiirâs
muteSämioppuu iälá Euroop, Aasia já Amerik taveoosijn. Suomâst tot pessee iänáážin Joensuu já Kokkola taavaabeln, mut pyeri säpligive lavdâm lii stuárráb meiddei Maadâ-Suomâst. Sämioppuu lii puáris kuáccee- já siähálâsvuovdij lodde.[5] Suomâ pessimnääli lii áárvu mield 300–2 000 paarrâd. Sämioppuu lii päikkilodde, mut motomin tot vaajâld ravâdâs usâdijnis.[4]
Lasanem
muteNiŋálâs mannee njuhčâ-cuáŋuimáánust 4–7 manneed já láálá taid mánuppaje. Uđâgááh vyelgih piervâlist suullân kuulmâ oho ahasâžžân, jo kuhháá ovdil ko toh mättih kirdeđ.[4]
Raavâd
muteSämioppuu porá iänáážin uccâ jursseid. Tärhis kuloááicu áánsust tot puáhtá kavnâđ taid meiddei tälviv muottuu vyelni.[4]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Sämioppuu.
Käldeeh
mute- ↑ IUCN Red List Čujottum 10.10.2021 (eŋgâlâskielân)
- ↑ Valkama, Jari: Sämioppuu – Strix nebulosa Suomen Lajitietokeskus. 2019. Čujottum 31.3.2022. (suomâkielân)
- ↑ BirdLife Suomi Čujottum 10.10.2021 (suomâkielân)
- ↑ 4,0 4,1 4,2 4,3 Luontoportti Čujottum 10.10.2021 (suomâkielân)
- ↑ Suomen lintuatlas Čujottum 7.10.2021 (suomâkielân)