Reijo Ståhlberg
Reijo Einar Ståhlberg (š. čohčâmáánu 21. peeivi 1952, Tammisaari, Suomâ) lii syemmilâš paŋkkihovdâ, finnodâholmooš, toimâttâshovdâ já oovdiš kuulašlivgejeijee.
Eellim mute
1970-lovvoost Ståhlberg já sávrudâhkäččee Pirjo Vihonen naajáin.
Valastâllâm mute
Kuulašlivgejeijen Ståhlberg ovdâstij Suomâ maaŋgâin almosvalastâllâmkištoin sehe Euroopist já maailmist. Kištottâllâm ääigi sun vuoitij 9 Suomâ miäštárkišto já 3 EM-hallâmiäštárkišto (iivij 1978, 1979 já 1981).[1] Ton lasseen suu 21,69 m šlivgim vyesimáánu 5. peeivi 1979 Fresnost, Kaliforniast lii vala-uv kuulašlivgim olgorađe Suomâ ulâttâs.[1] Iivij mield Ståhlberg šlivgij ohtsis 8 sis- já olgorađe Suomâ ulâttâssâd.[1]
Euroop kištoh mute
Ive 1974 almosvalastâllâm Euroop miäštárkištoost Ståhlberg poođij ohtnubálovádin. Čuávuváá miäštárkištoost nelji ive maŋeláá sun poođij niäljádin. Ive 1982 almosvalastâllâm Euroop miäštárkištoost sun poođij ovcádin.
Kesiolympialiih mute
Ståhlberg uásálistij kuohtii kesiolympialáid. Vuossâmuu keerdi ive 1976 kesiolympialáid Montréalist já nube keerdi ive 1980 kesiolympialáid Moskovast. Montréalist sun poođij ohtnubálovádin almai kuulašliivgimist já Moskovast niäljádin.
20 m kerho mute
Ive 1983 vuáđudui kerho puoh syemmilijd kuulašlivgejeijeid, kiäh láá šlivgim kuula ucemustáá 20 m virgálii kištoost. Ståhlberg lâi niäljád syemmilâš, kii peesâi keerhon. Sun lii toimâm meid kerho saavâjođetteijen.
Käldeeh mute
- ↑ 1,0 1,1 1,2 Ståhlbergin kuulatyönnön SE:stä 40-vuotta: ”Tuokon kanssa takapenkillä laulettiin”. Yleisurheilu.fi. 3.5.2019. Čujottum 23.9.2021 (suomâkielân)
