Pink Floyd

Pink Floyd lii eŋlandlâš progressiivlâš rock juávkku. Pink Floyd lii ohtâ enâmustáá miänástum rockjuávhuin já ton skiäruh láá vuobdum paijeel 250 miljovn pittád.

Pink Floyd
Pink Floyd jesâneh ive 1971 čižetpeln uálgispel: Roger Waters, Nick Mason, David Gilmour já Richard Wright
Tiäđuh
Aktiivlâžžân	1965–1996, 2005, 2013–2015, 2022
Stijlâšlaajâ	progressiivlâš rock psykedeelisâš rock space rock
Päikkisaje	Cambridge, Ovtâstum kunâgâskodde
Lávlumkielâ	eŋgâlâskielâ
Jesâneh	Tobdosumos häämi David Gilmour, kiitaar, laavlâ Richard Wright, kuoskâttâsčuojânâsah, laavlâ Roger Walters, basso, laavlâ Nick Mason, ruumbuh

Juávhu vuáđudii ive 1965 lávloo-kitarist Syd Barrett, rumbal Nick Mason, basist Roger Waters já kuoskâttâsčuojâtteijee Richard Wright. Juávkku almostitij vuossâmuu album The Piper at the Gates of Dawn ive 1967. Čuávuváá ive Barrett vuolgij juávhust mielâtiervâsvuotâčuolmâi tiet já suu sajan poođij David Gilmour. Juávkku pajanij maailmvijđosâš mielâstumvuotân album The Dark Side of the Moon (1973) mieldi. Meid rockooppera The Wall (1979) lâi piivnoh, já tast rahtui joba elleekoveheiviittâs.

Diskografia

• The Piper at the Gates of Dawn (1967)
• A Saucerful of Secrets (1968)
• More (1969) [elleekovesoundtrack]
• Ummagumma (1969) [tublealbum, vuosmuš skiärru live-pittáid]
• Atom Heart Mother (1970)
• Meddle (1971)
• Obscured by Clouds (1972) [elleekovesoundtrack]
• The Dark Side of the Moon (1973)
• Wish You Were Here (1975)
• Animals (1977)
• The Wall (1979)
• The Final Cut (1983)
• A Momentary Lapse of Reason (1987)
• The Division Bell (1994)
• The Endless River (2014)

Jesâneh

• David Gilmour – kiitaar, laavlâ (1968–)
• Nick Mason – ruumbuh (1964–)
• Roger Waters – basso, laavlâ (1964–1985, 2005)
• Richard Wright – kuoskâttâsčuojânsah, syntetisaattor, laavlâ (1964–1979, 1990–1994, 2005) (jáámmám 2008)
• Syd Barrett – kiitaar, laavlâ (1965–1968) (jáámmám 2006)