Pauliina Feodoroff
Pauliina Feodoroff (š. 1977, Aanaar) lii nuorttâlâš elleekove- já teatterstivrejeijee, kietâčällee já luándusuojâleijee. Sun meid tooimâi Sämirääđi saavâjođetteijen iivij 2007–2008.
Eellim
mute18-ihásâžžân Feodoroff uusâi Teatterollâškoovlâ stivrim já dramaturgia instituutân luuhâđ stivrejeijen[1] já ive 2002 sun valmâštui tobbeen.
Valmâštum maŋa Feodoroff čaalij já stivrij maaŋgâid dokumentelleekuuvijd. Ive 2007 sun finnij Kritiikin Kannukset -palhâšume suu čäällim já stivrim kuhes elleekooveest Non Profit. Elleekove vuosâeehid lâi Skammâkoveh-elleekovefestivaalist Anarist uđđâivemáánu 28. peeivi 2007.[2] Non Profit elleekove budjet lâi paijeel 20 000 eurod[3], mii lâi joba Suomâst-uv mittokaavast epitáválâš ucce. Pyevtittemproosees piištij love ihheed.
Ive 2009 aalgâst Feodoroff oovtâst Milja Sarkolain nomâttui Teatteri Takomo taiđâlâš hovdân.[4]
Käldeeh
mute- ↑ Tienviittoja: Tienviittoja Pauliina Feodoroff. Yle Areena. 6.1.2014. Čujottum 15.11.2021 (nuortâlâš- já suomâkielân)
- ↑ Prográmma 2007. Skammâkoveh. 2007. Čujottum 14.11.2021 (orjâlâškielân)
- ↑ Tukipäätökset joulukuu 2007. SES-info 1/2008, s. 15 Čujottum 14.11.2021 (suomâkielân)
- ↑ Teatteri Takomo sai uuden taiteellisen johdon. Ilta-Sanomat. 29.8.2008. Čujottum 15.11.2021 (suomâkielân)