Paaccâhčäšni
Paaccâhčäšni (Dendrocopos major) lii čaašnij hiäimun kullee lodde. Tot lii Suomâ almosumos čäšnišlaajâ.
| Paaccâhčäšni Dendrocopos major (Linnaeus, 1758) |
|
|---|---|
 |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2][3] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Čäšnilodeh Piciformes |
| Hiäimu | Čääšnih Picidae |
| Suuhâ | Paaccâhčääšnih Dendrocopos |
| Šlaajâ | major |
Stuárudâh já tobdomeerhah mute
Paaccâhčäšni lii čapisvielgis, 23–26 cm kukkosâš lodde, mii tiäddá 70–105 g. Ton pottâš vyelipeeli lii ruopsâd, mudoi čuávjipeeli lii kuovgâd. Orráás niske já nuorâ lode uáivičokke láá ruopsâdeh, niŋálâs uáivi lii ollásávt čappâd. Paaccâhčääšni jienâ lii jienniis "kjik" já tot meid rummut muorâid.[4]
Lavdâm já eellimpiirâs mute
Paaccâhčäšni iälá Euroopist, Aasiast já Tave-Afrikist.[5] Suomâst tot iälá puohlágán vuovdijn, mut mákkoo pyeremusávt čuovâdis vuovdijn. Eresnáál ko iänááš čääšnih, paaccâhčäšni ij veltihánnáá taarbâš puuhijd já piergee tondiet meid nuorâ vuovdijn. Paaccâhčäšni kiävttá tälviv kuácceemuorâi paaccâhij siemânijd ravâdâssân, ige tondiet iälá ordârääji paajaabeln. Suomâ pessimnääli lii áárvu mield 300 000–700 000 paarrâd.[6] Paaccâhčäšni lii päikkilodde, mut motomin tot vaajâld čohčâkeesi já čohčuv.[4]
Lasanem mute
Paaccâhčäšni mannee vyesimáánust 4–7 manneed. Niŋálâs já ores läälih moonijd 10–12 peivid. Uđâgááh kirdeleh 20–25 peeivi ahasâžžân.[4]
Raavâd mute
Paaccâhčäšni porá tiivrijd já motomin luudij moonijd tâi uđâgáid. Tälviv tot porá paaccâhij siemânijd já iälá meid loddeluovdijn.[4]
Kovegalleria mute
Käldeeh mute
 |
Wikimedia Commonsist láá koveh teikkâ eres tiätuvuárháh fáádást Paaccâhčäšni. |
- ↑ IUCN Red List Čujottum 19.11.2021 (eŋgâlâskielân)
- ↑ Valkama, Jari: Paaccâhčäšni – Dendrocopos major Suomen Lajitietokeskus. 2019. Čujottum 30.3.2022. (suomâkielân)
- ↑ BirdLife Suomi Čujottum 19.11.2021 (eŋgâlâskielân)
- ↑ 4,0 4,1 4,2 4,3 Luontoportti.fi Čujottum 19.11.2021 (suomâkielân)
- ↑ Britannica Čujottum 19.11.2021 (eŋgâlâskielân)
- ↑ Suomen lintuatlas Čujottum 19.11.2021 (suomâkielân)