Miguel Peltomaa
Juha-Miguel Peltomaa (š. 1997 Cali, Kolumbia[1]) lii syemmilâš seevvimkielâ artist já seevvimkielâlâš sispelji-implaant kevttee.[2] Peltomaast láá kyehti eenikielâ: suomâkielâ já syemmilâš seevvimkielâ.[3] Sun kiävttá kuábbáá-uv piäiválávt.[2]
Eellim
muteMiguel Peltomaa šoodâi masa ollásávt kullen, mut neelji-ihásâžžân suu kulo kuuloold huánnánškuođij.[3] 12-ihásâžžân sun finnij čuopâdâsâst sispelji-implaant, ađai šleđgâlii kuullâmpiergâs.[3][4] Sun lii kiävttám meid ärbivuáválii kuullâmpiergâs.[2] Kuullâmpiergâsijd sun ij kuittâggin haalijd ain kevttiđ, iäge toh adelâm sunjin kulo maassâd ollásávt.[2]
Pargo
muteMiguel Peltomaa lii Uđđâ muusik kišto seevvimkielâlâš laiđiisteijee. Suu pargon lii tulkkuđ kištopittáid taiđâlávt.[5] Muusik lii sunjin kuittâg tehálâš äšši, já sun ráhtá muusik jieš-uv VisualVoice- já Metsäorkesteri Käet ylös! -juávhoin. Sun parga meid Yle Kioskist toimâtteijen já lii lamaš fáárust Pikku Kakkonen -párnáiohjelmijn rähtimin siskáldâs seevvimkielâláid párnáid.[2][3]
Palhâšumeh já tubdâstâsah
muteSeevvimkielâpeeivi 2024 Peljittemij litto mieđettij Peltomaan ive 2023 Ive seevvimkielâtaho -palhâšume, tastko sun lii lasettâm vijđásávt tiäđulâšvuođâ seevvimkielâst já seevvimkielâlijn ubâ Suomâst.[6]
Käldeeh
mute- ↑ Toivanen, Kia: Jyväskyläläislähtöinen Miguel Peltomaa, 25, käänsi UMK-kappaleet viittomakielelle – näin someyleisön hurmanneet versiot syntyvät. Keskisuomalainen, 24.2.2023. Artikkâl nettiversio Čujottum 24.2.2024. (suomâkielân)>
- ↑ 2,0 2,1 2,2 2,3 2,4 Schreck, Jasmina: Kuás mij uáinip Euroviisuid oppeet meid seevvimkielân? anarasaavis.fi. 24.2.2024. Čujottum 24.2.2024.
- ↑ 3,0 3,1 3,2 3,3 Viittomakielisillä UMK-tulkinnoillaan hurmannut Miguel Peltomaa haluaa laajentaa kuvaa äidinkielestään – nyt hän jännittää, miten käy Käärijälle Euroviisuissa yle.fi. Čujottum 24.2.2024. (suomâkielân)
- ↑ Vallinkoski, Anu: Neljävuotiaana Miguel Peltomaa heräsi outoon hiljaisuuteen – Nyt hän hurmaa yleisöjä viittomalla Motiivi. 13.6.2023. Čujottum 24.2.2024. (suomâkielân)
- ↑ Miguel Peltomaan viittomakieliset UMK-tulkinnat nousivat hitiksi – näin hän valmistautuu lauantain show’hun Yle Uutiset. 9.2.2024. Čujottum 24.2.2024. (suomâkielân)
- ↑ Viittomakielitekopalkinto 2023 Miguel Peltomaalle Peljittemij litto. 12.2.2024. Čujottum 24.2.2024. (suomâkielân)