Maya Hawke
| Maya Hawke | |
|---|---|
| |
| Persovntiäđuh | |
| Šoddâm | syeinimáánu 8. peeivi 1998 |
| New York, New York, Ovtâstum staatah | |
| Karrieer | |
| Aktiivlâžžân | 2017– |
| Peerâ | |
| Vaanhimeh | Ethan Hawke Uma Thurman |
| Lasetiäđuh | |
| Päikkisijđo | https://www.mayahawkemusic.com/ |
| IMDb-sijđo | IMDb |
Maya Ray Thurman Hawke (š. 8. syeinimáánu 1998, New York, New York) lii ovtâstumstaatâlâš čaittâleijee, malli já musikkár. Sun lii čaittâleijei Uma Thurman já Ethan Hawke pärni.
Eellim
muteMaya Ray Thurman Hawke šoodâi New Yorkist syeinimáánu 8. peeivi ive 1998. Sun lii vuosmuš čaittâleijei Uma Thurman já Ethan Hawke kyevti päärnist. Thurman já Hawke teiváin elleekove Gattaca kuvviimijn ive 1997. Mayast lii ohtâ viljâ, Levon Thurman Hawke (š. 2002),[1] kyehti peliuábi eejis peln[2] já ohtâ peliuábbi eenis peln.[3] Suu vanhimeh iäránáin ive 2003,[4] mutâ virgálâš näimi-iäránem poođij vuáimán ive 2005.[5]
Hawkest lii dysleksia, já sun kaartâi pärnin maŋgii molsođ škoovlâ tondiet. Sun lii jottáám škoovlâ, mii lâi uáivildum párnáid, kiäin láá oppâmvädisvuođah.[6] Maŋeláá sun moonâi artistlâš kreatiivlâšvuotân vuáijoo Saint Ann's škoovlân Brooklynist, mon maŋa peesâi siisâ Juilliard Schoolân.[4]
Karrieer
muteHawke algâttij suu čaittâlemkarrieer ive 2017 Jo rooláin TV-rááiđust Little Women. Tast maŋa sun lii čaittâlâm Robin TV-rááiđust Stranger Things, Linda “Flowerchild” Kasabian Quentin Tarantino elleekooveest Once Upon a Time in Hollywood já Frankie Gia Coppola elleekooveest Mainstream. Sun čaittâl meid Wes Anderson elleekooveest Asteroid City (2022).[7]
Čaittâlemkarrieer lasseen Hawke lii porgâm mallin, já ohtâ suu vuosmuin mallipargoin lâi Vogue-loostân. Sun lii lamaš muáttun meid All Saints já Calvin Klein kampanjain.[8] Toos lasseen Hawke ráhtá meid muusik. Ive 2019 sust almostuvvii kyehti single “To Love a Boy” já “Stay Open”,[2] já ive 2020 sun almostitij jieijâs vuosmuu album Blush.
Filmografia
mute| Ihe | Nommâ | Roolâ | Eres tiäđuh |
|---|---|---|---|
| 2017 | Little Women | Jo March | televisiominiráiđu |
| 2018 | Ladyworld | Romy | Elleekove |
| 2019 | Once Upon a Time in Hollywood | "Flower Child" | Elleekove |
| 2019– | Stranger Things | Robin Buckley | Válduroolâ, 3. paje – |
| 2019 | Human Capital | Shannon | Elleekove |
| 2020 | The Good Lord Bird | Annie Brown | televisiominiráiđu |
| 2020 | Mainstream | Frankie | Elleekove |
| 2021 | Italian Studies | Erin | Elleekove |
| 2021 | Fear Street Part One: 1994 | Heather | Elleekove |
| 2022 | Asteroid City | - | Elleekove |
| - | Do Revenge | Eleanor | Elleekove |
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Maya Hawke.
- Maya Hawke Internet Movie Databasest (eŋgâlâskielân)
Käldeeh
mute- ↑ Blair, Olivia: Uma Thurman Attended The Dior Show With Her Grown Up Son And We Can See The Resemblance ELLE. 21.1.2020. Čujottum 15.4.2022. (eŋgâlâskielân)
- ↑ 2,0 2,1 Chung, Gabrielle: Ethan Hawke Has a Sweet Jam Session with Daughter Maya Hawke While Social Distancing with Family PEOPLE.com. Čujottum 15.4.2022. (eŋgâlâskielân)
- ↑ Uma Thurman Daughter's Name Revealed people.com. Čujottum 15.4.2022. (eŋgâlâskielân)
- ↑ 4,0 4,1 Mulkerrins, Jane: Maya Hawke, daughter of Hollywood royalty, on scaring men and making Little Women The Sydney Morning Herald. 14.12.2017. Čujottum 15.4.2022. (eŋgâlâskielân)
- ↑ Rendon, Christine: Uma Thurman was nervous about daughter Maya Hawke becoming an actress dailymail.co.uk. 23.2.2022. Čujottum 15.4.2022. (eŋgâlâskielân)
- ↑ Maya Hawke says she was kicked out of school as a child because she couldn't read today.com. Čujottum 15.4.2022. (eŋgâlâskielân)
- ↑ Maya Hawke: ‘My parents didn’t want to have me do bit-parts in their movies’ theguardian.com. 31.10.2021. Čujottum 15.4.2022. (eŋgâlâskielân)
- ↑ Nast, Condé: Maya Hawke On Little Women And Following Her Parents Footsteps British Vogue. 26.12.2017. Čujottum 15.4.2022. (eŋgâlâskielân)