Lena Dunham
| Lena Dunham | |
|---|---|
| |
| Persovntiäđuh | |
| Šoddâm | vyesimáánu 13. peeivi 1986 |
| New York, New York, Ovtâstum staatah | |
| Karrieer | |
| Aktiivlâžžân | 2006– |
| Merhâšittee roolah | Girls |
| Peerâ | |
| Pelikyeimi | Luis Felber (2021–) |
| Lasetiäđuh | |
| IMDb-sijđo | IMDb |
Lena Dunham (š. 13. vyesimáánu 1986 New York, New York) lii ovtâstumstaatâlâš čaittâleijee, kietâčällee, stivrejeijee já pyevtitteijee. Suu tobdeh pyeremustáá HBO rááiđu Girls (2012–2017) rähten, kietâčällen já čaittâleijen. Toin ráiđoin sun lii lamaš maŋgii iävtukkâssân Emmy-palhâšumán, já vuáittám sehe Bafta- já Golden Globe -palhâšume. Sun lii lamaš meid Time-loostâ 100 puoh vaikuttâsváldálumos olmožid -listoost.[1]
Eellim
muteLena Dunham šoodâi New Yorkist ive 1986. Dunham lii muštâlâm, ete sust lii traumavuáđusâš stressitavdâ já sun keevtij talkkâsijd puástud, ko irâttij kietâdâllâđ atâštuumees. Sunjin lii meid diagnosistum Ehlers–Danlos syndroom, mii sáttá tovâttiđ ovdâmerkkân tom, ete lođđâseh láá ložžâseh teikkâ iätkáleh älkkeht, já liške lii elastisub já vana älkkeebeht.[2]
Dunham naajâi musikkár Luis Felberáin čohčâmáánust ive 2021.[2]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Lena Dunham.
Käldeeh
mute- ↑ Sanna Posti Sjöman: Girls-sarjan Lena Dunham HS:lle: Mitä kuuluisammaksi tulen, sitä enemmän joudun käsittelemään juoruja Helsingin Sanomat. 10.1.2015. Čujottum 15.4.2022. (suomâkielân)
- ↑ 2,0 2,1 Lena Dunham jyrähtää arvostelijoille: "Milloin opimme, että hoikkuus ei ole sama kuin terveys ja onnellisuus?" mtvuutiset.fi. 17.10.2021. Čujottum 15.4.2022. (suomâkielân)