Laahul
Eudromias morinellus
(Linnaeus, 1758)
Charadrius morinellus male.jpg
Tile LC (eellimvuáimálâš)[1]
Tile Suomâst VU (hiäjulum)[2]
Status iucn3.1 LC smn.svg
Status iucn3.1 VU smn.svg
Tieđâlâš luokittâllâm
Doomeen Sellâvááimusliih Eucarya
Kodde Elleekodde Animalia
Uáiviráiđu Savosuonâsiih Chordata
Vyeliráiđu Čielgitávtáliih Vertebrata
Luokka Lodeh Aves
Lahko Riddolodeh Charadriiformes
Vyelilahko Kalâččeijeeh Charadrii
Čerdâ Laahuleh Charadriidae
Suuhâ Eudromias
Šlaajâ morinellus

Laahul lii tuoddârij kalâččeijee. Tot kulá Säämi loddemaailm tuođâlâš fávroid.

Stuárudâh já tobdomeerhahMute

Laahul lii 20–24 cm kukkosâš ränisruškis lodde, mii tiäddá 110–155 g. Ton čapis uáivičohe vuoluubeln lii vielgis säärgis. Čuávji lii ruostâruopsâd já čappâd, ton paajaabeln raddeest lii vielgis säärgis. Njune lii čappâd já jyelgih fiskâdeh. Niŋálâs lii kirkkásub ko ores.[3]

Lavdâm já eellimpiirâsMute

Laahul pessee Tave-EuroopAasia tuodârkuávluin. Euroopist pessejeh suulân 42 000 paarrâd já Suomâst áárvu mield 1 500–3 000 paarrâd. Suomâst laahul pessee tuoddârist iänáážin Iänuduv, UcjuuvâKyelijäävri kuávluin.[4] Čohčuv laahul värree tálvástâllâđ Tave-AfrikânAlda-nuortân já máccá Suomân vyesi-kesimáánust.[3]

LasanemMute

Laahul lii ton peeleest imâšlâš lodde, et suhâjuátkimhommáin niŋálâs lii tot, mii taha alguu. Laahul mannee kesimáánust 3–4 mane. Táválávt ores láálá moonijd 18–27 peivid. Niŋálâs sáttá uuccâđ uđđâ orráás já parâluđ uđđâsist. Uđâgááh vyelgih tooláá piervâlist já kirdeškyetih 30 peeivi ahasâžžân.[3]

RaavâdMute

Laahul porá čielgitävtittes elleid já muorjijd.[3]

KäldeehMute

  1. IUCN Red List Čujottum 15.6.2021 (eŋgâlâskielân)
  2. Jari Valkama: Laahul – Charadrius morinellus Suomen Lajitietokeskus. 2019. Čujottum 30.3.2022. (suomâkielân)
  3. 3,0 3,1 3,2 3,3 Luontoportti.fi Čujottum 15.6.2021 (suomâkielân)
  4. Suomen lintuatlas Čujottum 15.6.2021 (suomâkielân)