Kompleksloho

Komplekslovoi juávkku $\mathbb {C}$ lii reaallovoi juávhu vijđedem.

Komplekslovo puáhtá oovdânpyehtiđ komplekstääsist, mon x-aksel kovvee reaal- já y-aksel imaginaaruási stuáruduv.

Komplekslovvoost z lii čuávuvâš häämi:

$z=x+yi,$

mast x já y láá reaallovoh já i imaginaarohtâdâh, mon puáhtá merkkiđ $i^{2}=-1$. Lovo x kočodeh komplekslovo reaaluássin (Re(z)) já y ton imaginaaruássin (Im(z)). Reaallovoi juávkku lii komplekslovoi uásijuávkku, mon finnee talle ko imaginaaruási y = 0. Jis x = 0, te kompleksloho lii puttásávt imaginaarisâš.

Algebra vuáđucelkkuu mieldi jyehi polynomovtâlduvâst láá ton ceehi västideijee čuávdusmereh. Čuávduseh iä veltihánnáá lah koskânis eresstuárusiih. Algâalgâlávt komplekslovoh váldojii kiävtun eidu tondiet, ete stuárráb uási polynomovtâduvâin puávtáččij čuávdiđ. Ovdâmerkkân ovtâlduvâst $x^{2}+1=0$ iä lah reaalčuávduseh, tastko $x^{2}$ lii positiivlâš puoh reaallovoin. Komplekslovoi juávhust ovtâldâhân kávnojeh kuittâg kyehti čuávdus: $x=i$ já $x=-i$.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Kompleksloho.