Kapybara
Kapybara (Hydrochoerus hydrochaeris) lii maailm stuárráámus onnáá peeivi ellee jurssee.[2]
| Kapybara Hydrochoerus hydrochaeris (Linnaeus, 1766) |
|
|---|---|
_female_and_young_suckling_..._(48427191032).jpg) |
|
| Tile | LC (eellimvuáimálâš)[1] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Njomâtteijeeh Mammalia |
| Lahko | Jursseeh Rodentia |
| Vyelilahko | Hystricomorpha |
| Hiäimu | Maarsuh Caviidae |
| Vyelihiäimu | Kapybarah Hydrochoerinae |
| Suuhâ | Hydrochoerus |
| Šlaajâ | hydrochaeris |
Stuárudâh já olgohäämi mute
Kapybarast lii ruškis turkkâ. Tast láá uánihis jyelgih já peeljih sehe surgástum pieinis.
Kapybara lii pyereest vuáhádum vuoijâmân. Njune, peeljih já čalmeh láá alleen uáivist, vâi toh iä pääsi čääsi vuálá talle ko kapybara vuájá. Tast láá meid vuoijâmjyelgih. Ovdâjuolgijn láá nelji jyelgisuormâ, monnjâjuolgijn vist kulmâ.[3]
Kapybara puáhtá šoddâđ 100–130 cm kukkosâžžân já teddiđ joba 79 kg.[2]
Lavdâm já eellimpiirâs mute
Kapybara iälá jävri- teikkâ juhâriddoin Maadâ-Amerikist.[2]
Eellimvyevih já lattim mute
Kapybara iälá čurrust, mast láá suullân 10 elled, mut čurrust pyehtih leđe meid joba 30 elled já motomin eenâb-uv.[4]
Kapybara ocá raavvâd táválávt iđedist já ehidist, peiviv tot vuoiŋâst čiähusist rido alda. Ellee lii pyeri vuoijâđ já puohčâđ, já tot paattâr piätuelleid čáácán.[2]
Raavâd mute
Kapybara porá čäcišaddoid, suoinijd já eres šaddoid.[5]
Lasanem mute
Kapybara čuávjum pištá suullân 150 peivid.[4] Ellee čivgá táválávt 3–8 čivgâd. Kapybarast lii ohtâ piäsádâh ivveest.[2] Čiivgah teddih šodâdijnis 1–1,5 kg. Niŋálâs njoomât čivgâidis kulmâ mánuppaje.[6][4]
Kapybarah šaddeh suhâjuátkimahan 15–18 mánuppaje puárisin.[3][4] Luándust kapybara puáhtá eelliđ 6–10 ive puárisin.[4]
Käldeeh mute
- ↑ IUCN Red List Čujottum 09.12.2022 (eŋgâlâskielân)
- ↑ 2,0 2,1 2,2 2,3 2,4 Capybara | Description, Behavior, & Facts | Britannica www.britannica.com. Čujottum 9.12.2022. (eŋgâlâskielân)
- ↑ 3,0 3,1 Capybara | San Diego Zoo Animals & Plants animals.sandiegozoo.org. Čujottum 9.12.2022.
- ↑ 4,0 4,1 4,2 4,3 4,4 Kathryn Frens: Hydrochoerus hydrochaeris (capybara) Animal Diversity Web. Čujottum 9.12.2022. (eŋgâlâskielân)
- ↑ Capybara Facts Animals. 20.12.2018. Čujottum 9.12.2022. (eŋgâlâskielân)
- ↑ Baby Capybara capybarawiki.org. 20.4.2023. Čujottum 27.4.2023. (eŋgâlâskielân)