Johan Kitti
| Johan Kitti | |
|---|---|
| Persovntiäđuh | |
| Šoddâm | njuhčâmáánu 24. peeivi 1974 |
| Šoddâmsaje | Ruotâ |
| Aalmugjeessânvuotâ | Ruotâ |
| Musikkár | |
| Lávlumkielah | orjâlâškielâ |
| Genreh | popmuusik, juáigus, saalmah |
|
| |
Johan Gustav Nikolaus Kitti (š. njuhčâmáánu 24. peeivi 1974) lii sämmilâš musikkár já taaidâr Käresavonist Ruotâ peln. Kitti lii uásálistám Sámi Grand Prix -kiišton kuttii, vittii kišto lávlumuásán já ohtii juoigâmuásán. Täin sun lii vuáittám lávlumuási kuohtii: iivij 2004 já 2006.[1] Ton lasseen sun lii sannim já nuottim ive 2013 lávlumuási vyeittee Melina Kuhmus pitá.[1]
Karrieer mute
Kitti lii uásálistám Sámi Grand Prix -kiišton kuttii. Sun lii sannim já nuottim puoh pittáid, moiguin sun lii uásálistám kiišton. Ton lasseen sun lii sannim já nuottim ive 2013 lávlumuási vyeittee Melina Kuhmus pitá.[1] Sun lii meid uásálistám kištofinalân tuámárin ive 2007.[2]
Vuossâmuu keerdi sun uásálistij ive 2004 Sámi Grand Prix -kiišton, mii lâi meid vuossâmuš kerdi ko Kitti láávlui julgâlávt. Sun láávlui pitá Eŋgelat lávllodit, mon sun lâi meid sannim já nuottim.[1][3] Kitti vuoitij pittáin ive 2004 lávlumuási.[1][3]
Sun uásálistij meid čuávuváá ive kišto lávlumuásán, taan keerdi oovtâst Siv Hermansenáin.[4] Suoi lávloin pitá Násttážan, mut iävá vuáittám.[1]
Ive 2006 Kitti uásálistij oppeet duon kišto lávlumuásán, taan keerdi oovtâst uárbimpelijnis Ellen Sara Bæhráin.[5][6] Suoi lávloin pitá Luđiin muitalan já vuoittijn.[1][6]
Čuávuváá ive Kitti já Tiina Sanila láin ive 2007 Riddu Riđđu uáiviartistin.[7]
Diskografia mute
Albumeh mute
- 2006 – Dovddut
- 2010 – Luohte Goaikanasat
- 2013 – Min ráhkis sálmmat
- 2017 – Min ráhkis sálmmat 2
Singleh mute
- 2016 – Gullet buori sága
- 2017 – Dolla
- 2017 – Iđedis árrat
- 2017 – Niehku
Nurâldâhskiäruh mute
Kittist láá pitáh meid čuávuváin skiäruin:
- 2004 – Sámi Grand Prix 2004, pittáin Eŋgelat lávllodit
- 2005 – Sámi Grand Prix 2005, pittáin Násttážan oovtâst Siv Hermansenáin
- 2006 – Sámi Grand Prix 2006, pittáin Luđiin muitalan oovtâst Ellen Sara Bæhráin
- 2008 – Ima ipmašat, pittáin Sihkkelastin
- 2010 – Sámi Grand Prix 2010, pittáin Ogen-Ante Nils-Ovlla
- 2011 – Sámi Grand Prix 2011, pittáin De moddjá oovtâst Merethe Kuhmusijn
Käldeeh mute
- ↑ 1,0 1,1 1,2 1,3 1,4 1,5 1,6 Hætta, Wenche Marie: Hvem-Hva-Når om Sámi Grand Prix NRK Sápmi. 29.3.2007. Čujottum 7.6.2022. (tárukielân) já (tavesämikielân)
- ↑ Nystad, Marie Elise & Eira, Sara Ellen Anne: Sámi Grand Prix juryer 2002-2007 NRK Sápmi. 20.4.2007. Čujottum 7.6.2022. (tárukielân)
- ↑ 3,0 3,1 Pulk, Åse & Anti, Ánne Biret: Debutántaid eahket. Min Áigi, 14.4.2004, 12. ihekerdi, nr 32, s. 8–9. Artikkâl nettiversio Čujottum 7.6.2022. (tavesämikielân)
- ↑ Eira, John Einar: Besse nállošalmmi čađa. Áššu, 1.3.2005, 13. ihekerdi, nr 18, s. 3. Artikkâl nettiversio Čujottum 7.6.2022. (tavesämikielân)
- ↑ Gaup, Jørgen: SGP lávlunoasi finálisttat. Áššu, 3.3.2006, 14. ihekerdi, nr 18, s. 3. Artikkâl nettiversio Čujottum 7.6.2022. (tavesämikielân)
- ↑ 6,0 6,1 Hermansen, Kari Lisbeth: Sámi Grand Prix 2006 : klassen for samisk musikk - lávlunoassi. Áššu, 31.3.2006, 14. ihekerdi, nr 26, s. 3. Artikkâl nettiversio Čujottum 7.6.2022. (tárukielân) já (tavesämikielân)
- ↑ Anti, Anne Berit: - Artistene er ukjente for folk flest NRK Sápmi. 18.7.2007. Čujottum 7.6.2022. (tárukielân)