Grace Kelly
| Grace Kelly | |
|---|---|
| |
| Persovntiäđuh | |
| Šoddâm | skammâmáánu 12. peeivi 1929 |
| Philadelphia, Pennsylvania, Ovtâstum staatah | |
| Jáámmám | čohčâmáánu 14. peeivi 1982 (52-ihásâžžân) Monaco |
| Karrieer | |
| Aktiivlâžžân | 1950–1956 |
| Merhâšittee roolah | Rear Window The Country Girl |
| Palhâšumeh | |
| Nissoonuáiviroolâ Golden Globe 1953 Mogambo | |
| Peerâ | |
| Vaanhimeh | John Kelly Margaret Kelly |
| Pelikyeimi | Rainier III (1956–1982) |
| Párnááh | 3 Caroline Albert Stéphanie |
| Lasetiäđuh | |
| Nommâčáálus | 
|
| IMDb-sijđo | IMDb |
Grace Patricia Kelly (12. skammâmáánu 1929 Philadelphia, Pennsylvania, Ovtâstum staatah – 14. čohčâmáánu 1982 Monaco) lâi ovtâstumstaatâlâš čaittâleijee já Monaco prinses.[1]
Eellim
muteGrace Kelly šoodâi skammâmáánu 12. peeivi 1929, Philadelphiast, Pennsylvaniast. Suu eeči lâi finnodâhomâsteijee já áirulâš John Brenden "Jack" Kelly, kii vuoitij ohtsis kulmâ kollemiitaal Ovtâstum staatâi suuhâmjuávhoin, já suu enni lâi Margaret Katherine Majer. Sust lâi meid ohtâ stuorrâuábbi Peggy, já ohtâ stuorrâviljâ John Brenden Jr.[2] Vanhimeh láin amerikirlandlâš katoliliih, já Kelly juuđij nuorrân luostarškoovlâid.[3] Suu eehi lâi čaaitâlmkietâčällee George Kelly.[1]
Luostarškoovlâi maŋa vuálá 20-ihásâš Kelly vuolgij American Academy of Dramatic Arts -škoovlân New Yorkân ive 1947.[4]
Kelly naajâi Monaco furstáin Rainier III:áin ive 1956, já suoi láin oovtâst ain Kelly jäämmim räi ive 1982. Sunnui šoddii kulmâ párnáá: Caroline (š. 1957), Albert (š. 1958) já Stéphanie (š. 1965).
Karrieer
muteGrace Kelly algâttij čaittâlem kesiteatterijn. Suu Broadway deebyyt lâi skammâmáánust 1949 August Strindberg čaitâlmist The Father. Tast maŋa sun čaittâlij motomijn televisiodraamain, ovdilgo finnij vuossâmuu elleekoveroolâ ive 1951 elleekooveest Fourteen Hours. Roolâ lâi ucce – sun oinui elleekooveest tuše 2 miinuut já 14 sekuntid.[5] Čuávuváá ive sun finnij stuárráb roolâ Fred Zinnemann elleekooveest High Noon, mast sun čaittâlij uáivipersovn Will Kane (Gary Cooper) káálgu Amy Fowler. Filmâtäsni sust šoodâi tuođâi roovvâdmáánust 1953, ko Mogambo almostui. Sun vuoitij tast nissoonuáiviroolâ Golden Globe já lâi meid Oscar-iävtukkâssân.[2] Tast maŋa sun čaittâlij kuulmâst Alfred Hitchcock tobdosumosijn elleekuuvijn: Rear Window (1954) oovtâst James Stewartáin, Dial M for Murder (1954) já To Catch a Thief (1955).[6] Ive 1955 sun vuoitij Oscar-palhâšume elleekooveest The Country Girl (1954).
Grace Kelly kiergânij čaittâliđ Hollywoodist kuttâ ive ovdilgo kaartâi joskâđ, ko naajâi Monaco furstáin. Suu majemuš elleekove lâi komedia High Society (1956).[3] Ive 1964 sun ličij halijdâm maccâđ čaittâliđ Hitchcock elleekován Marnie, mutâ monacoliih vuástálistii tom. Ovdil jämimis sun peesâi kuittâg oppeet čaittâliđ Rearranged-elleekooveest, mutâ elleekove ij kuássin valmâštum Kelly jäämmim tet.[7]
Väljejum filmografia
muteElleekoveh
mute| Elleekoveh | |||||
|---|---|---|---|---|---|
| Ihe | Suomâkielâlâš nommâ | Algâalgâlâš nommâ | Roolâ | Huámášutmeh | Käldeeh |
| 1951 | 14 tuntia | Fourteen Hours | Louise Ann Fuller | ||
| 1952 | Sheriffi | High Noon | Amy Fowler Kane | ||
| 1953 | Mogambo | Mogambo | Linda Nordley | ||
| 1954 | Täydellinen rikos | Dial M For Murder | Margot Wendice | ||
| Takaikkuna | Rear Window | Lisa Carol Fremont | |||
| Mies, jonka minulle annoit | The Country Girl | Georgie Elgin | |||
| Vihreä tuli | Green Fire | Catherine Knowland | |||
| Toko-Rin sillat | The Bridges at Toko-Ri | Nancy Brubaker | |||
| 1955 | Varkaitten paratiisi | To Catch a Thief | Frances Stevens | ||
| 1956 | Joutsen | The Swan | Prinses Alexantra | ||
| Skandaalihäät | High Society | Tracy Lord | |||
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Grace Kelly.
Kovegalleria
mute
Käldeeh
mute- ↑ 1,0 1,1 Grace Kelly - Eellimkerdi Čujottum 26.4.2021 (eŋgâlâskielân)
- ↑ 2,0 2,1 Grace Kelly Hollywood Walk of Fame. 25.10.2019. Čujottum 22.4.2022. (eŋgâlâskielân)
- ↑ 3,0 3,1 Muistot | Grace Kelly Helsingin Sanomat. 16.9.1982. Čujottum 22.4.2022. (suomâkielân)
- ↑ Grace Kelly | American actress and princess of Monaco | Britannica www.britannica.com. Čujottum 22.4.2022. (eŋgâlâskielân)
- ↑ Condé Nast: Grace Kelly’s Forever Look Vanity Fair. 30.3.2010. Čujottum 22.4.2022. (eŋgâlâskielân)
- ↑ Sparks, Hannah: Here’s how much Grace Kelly had to pay to become a princess New York Post. 8.4.2021. Čujottum 22.4.2022. (eŋgâlâskielân)
- ↑ Kun Grace Kellystä tuli Monacon ruhtinatar yle.fi. Čujottum 22.4.2022. (suomâkielân)
- ↑ Fourteen Hours - imdb.com Čujottum 27.4.2021 (eŋgâlâskielân)
- ↑ High Noon - imdb.com Čujottum 27.4.2021 (eŋgâlâskielân)
- ↑ Mogambo - imdb.com Čujottum 27.4.2021 (eŋgâlâskielân)
- ↑ Dial M for Murder - imdb.com Čujottum 27.4.2021 (eŋgâlâskielân)
- ↑ Rear Window - imdb.com Čujottum 27.4.2021 (eŋgâlâskielân)
- ↑ The Country Girl - imdb.com Čujottum 27.4.2021 (eŋgâlâskielân)
- ↑ Green Fire - imdb.com Čujottum 27.4.2021 (eŋgâlâskielân)
- ↑ The Bridges at Toko-Ri - imdb.com Čujottum 27.4.2021 (eŋgâlâskielân)
- ↑ To Catch a Thief - imdb.com Čujottum 27.4.2021 (eŋgâlâskielân)
- ↑ The Swan - imdb.com Čujottum 27.4.2021 (eŋgâlâskielân)
- ↑ High Society - imdb.com Čujottum 27.4.2021 (eŋgâlâskielân)