Breikkam
Breikkam adai breikkitánssám lii tanssâšlaajâ, mii šoodâi pivnohin Ovtâstum staatâin 1990-lovvoost.[1] Tot lii taiđuu, taansâ já muusik siävuttâs.[1] Šlaajâ lii finnim vaiguttâsâid hiphopist. Tánssájeijee paaldâst tiskâjukká suáittá muusik, mon breikkajeijee kalga kevttiđ ävkkin jieijâs lihâstuvâin.[2]
Breikkam kesiolympialijn
muteAalmugijkoskâsâš olympiakomitea (KOK) almottij juovlâmáánust 2020, et breikkam lii tuhhiittum uđđâ olympiašlaaijân, vuossâmuu tove kesiolympialijn 2024 Pariisist.[3][4][5] Pariisi kesiolympialiih tuállojeh syeinimáánu 26. peeivist porgemáánu 11. piäiván 2024.[6] Breikkamkištoh uárnejuvvojeh olympialijn Place de la Concordest porgemáánu 9.–10. peeivi.[7]
Kištottâlleeh iä tieđe muuneeld, maggaar muusik sij finnejeh kiišton, adai sij kalgeh pasteđ improvisistiđ.[2] Tuámáreh kiddejeh enâmustáá huámášume kreativiteetân, musikaallâšvuotân, originaliteetân já oovdânpyehtimân.[2]
Uđđâ šlaajâ stuárráámus hástun lâi aalgâst čuággái jyehim: šlaajâ taarbâš taggaar árvuštâllâmciäkkáduv, et tot ij vääldi meddâl artist taiđâlii rijjâvuođâ, mon keežild oovdânpyehtim šadda nuuvt eromâšin.[2]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Breikkam.
Käldeeh
mute- ↑ 1,0 1,1 Paris games: 4 new sports to discover in 2024 www.france.fr. Čujottum 15.12.2023. (eŋgâlâskielân)
- ↑ 2,0 2,1 2,2 2,3 Olthuis, Marja-Liisa: Breikkam váldoo uđđâ kištošlaaijân Pariisi kesiolympialijn 202 anarasaavis.fi. 15.12.2023. Čujottum 15.12.2023.
- ↑ Breakdancingistä tuli olympialaji – perinteisen mailapelin huippu tyrmistyi: "En enää ymmärrä mitään" www.iltalehti.fi. Čujottum 15.12.2023. (suomâkielân)
- ↑ Ramsay, George: Breakdancing to make its Olympic debut at Paris 2024 CNN. 7.12.2020. Čujottum 15.12.2023. (eŋgâlâskielân)
- ↑ IOC Session votes for Breaking’s inclusion at Paris 2024 www.worlddancesport.org. Čujottum 15.12.2023. (eŋgâlâskielân)
- ↑ Paris 2024 Olympic Games – from 26 July to 11 August 2024 Paris 2024. Čujottum 15.12.2023. (eŋgâlâskielân)
- ↑ Olympic Calendar of the Paris 2024 Games medias.paris2024.org. Čujottum 15.12.2023. (eŋgâlâskielân)