Bjerka junápärtti 2024
Bjerka junápärtti tábáhtui roovvâdmáánu 24. peeivi 2024 suullâm tme 14:15. Parttâšum juná lâi Arctic Circle Express -juná, mii lâi jotemin Ruándimist Bodøn.[1] Junást lijjii 55 mađhâšeijed.[2] Luhottesvuotâ tábáhtui Bjerka já Mo i Rana kooskâst Nordland läänist.[1]
Tábáhtusah
muteJuná vierâi kiskoin källeepitá keežild, mii juurâi vuálus kiskoi oolâ. Källeepittá vierâi kiskoi oolâ eennâmsirdum keežild, mii máhđulávt tábáhtui korrâ arve keežild tien kuávlust. Juná vierâi motomijd meetterijd vuálus.[2]
Luodah parttâšum juná pirrâsijn kiddejuvvojii luhottesvuođâ tutkâm já raaijâmpargoi tiet. Meiddei moottorkiäinu E6 kiddejui.[3]
Junávyeijee jaamij, já neeljis ruásnuluvvii. Sij tuálvojii pyecceiviäsun, já ohtâ sist kaartâi vuosâišán.[2]
Ive 2016 junápärtti
muteSiämmáá saajeest lâi jo tábáhtum junápärtti roovvâdmáánu 3. peeivi 2016. Talle 474-juná, mast lijjii 14 mađhâšeijed, vierâi kiskoin. Kyehti ulmuu ruásnuluin.[4][5]
Käldeeh
mute- ↑ 1,0 1,1 Grimstad Hestenes, Sunniva: Tog spora av på Nordlandsbanen NRK. 24.10.2024. Čujottum 27.10.2024. (kirjetárukielân)
- ↑ 2,0 2,1 2,2 Olthuis, Marja-Liisa: Juná lii vierrâm kiskoi alne Taažâst: ohtâ lii jáámmám já neeljis láá ruásnulum anarasaavis.fi. 24.10.2024. Čujottum 27.10.2024.
- ↑ Elgaaen, Vilde: Togavsporingen i Nordland: Omkjøring via Sverige VG. 25.10.2024. Čujottum 27.10.2024. (tárukielân)
- ↑ To lettere skadd i togavsporing i Hemnes NRK. 3.10.2016. Čujottum 27.10.2024. (kirjetárukielân)
- ↑ Løkkevik, Ole et al.: Togulykken: Persontog kolliderte i ras samme sted i 2016 VG. 25.10.2024. Čujottum 27.10.2024. (tárukielân)