Čabivuávláš (Calcarius lapponicus) lii njuuvčuálppái hiäimun kullee kirjáás varbuslodde.

Čabivuávláš
Calcarius lapponicus
(Linnaeus, 1758)
Tile LC (eellimvuáimálâš)[1]
Tile Suomâst NT (čalmeestoonnum)[2][3]
Tieđâlâš luokittâllâm
Doomeen Sellâvááimusliih Eucarya
Kodde Elleekodde Animalia
Uáiviráiđu Savosuonâsiih Chordata
Vyeliráiđu Čielgitávtáliih Vertebrata
Luokka Lodeh Aves
Lahko Varbuslodeh Passeriformes
Hiäimu Njuuvčuálppááh Calcariidae
Suuhâ Calcarius
Šlaajâ lapponicus

Stuárudâh já tobdomeerhah mute

 
Niŋálâs

Čabivuávláš lii 14–15,5 cm kukkosâš lodde, mii tiäddá 20–30 g. Orráás uáivi, čuudâ já radde láá čappâdeh. Niske lii ruopsisruškâd, čuávji vielgâd já selgipeeli čapis- já ruškiskirjáá. Niŋálâs lii kuovgâdub ko ores já ton uáivi lii sárgáá.[4]

Lavdâm já eellimpiirâs mute

Čabivuávláš pessee Euroop, AasiaTave-Amerik tundrakuávluin.[5] Suomâst tot pessee eromâšávt Säämi tuodârjolgâdâsâin já jeegijn.[6] Suomâ pessimnääli lii áárvu mield 50 000–150 000 paarrâd. Nääli lii kiäppánâm majemui iivij, já šlaajâ lii tääl čalmeestoonnum Suomâst. Čabivuávláš tálvástâl Koskâ-Aasiast. Čohčâvarrim lii čohčâ-roovvâdmáánust já kiđđavärrim cuáŋui-vyesimáánust.[4]

Lasanem mute

Čabivuávláš mannee kesimáánust 3–7 manneed, já niŋálâs láálá taid 11–14 peivid. Uđâgááh vyelgih piervâlist 8–10 peeivi ahasâžžân.[4]

Raavâd mute

Čabivuávláš porá čielgitävtittes elleid, siemânijd já šadoi oosijd.[4]

Käldeeh mute

  1. IUCN Red List Čujottum 2.11.2021 (eŋgâlâskielân)
  2. Valkama, Jari: Čabivuávláš – Calcarius lapponicus Suomen Lajitietokeskus. 2019. Čujottum 30.3.2022. (suomâkielân)
  3. BirdLife Suomi Čujottum 2.11.2021 (suomâkielân)
  4. 4,0 4,1 4,2 4,3 Luontoportti.fi Čujottum 2.11.2021 (suomâkielân)
  5. Audubon.org] Čujottum 2.11.2021 (eŋgâlâskielân)
  6. Suomen lintuatlas Čujottum 2.11.2021 (suomâkielân)