Uccâčäšni
Uccâčäšni (Dendrocopos minor) lii čaašnij hiäimun kullee lodde. Tot lii Suomâ ucemus čäšni.
| Uccâčäšni Dendrocopos minor (Linnaeus, 1758) |
|
|---|---|
 |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Čäšnilodeh Piciformes |
| Suuhâ | Paaccâhčääšnih Dendrocopos |
| Šlaajâ | minor |
Stuárudâh já tobdomeerhah
muteUccâčäšni lii uceslágán, varbusii matsâš čäšni. Tot lii 14–16,5 cm kukke já tiäddá 20–28 g. Ton selgipeeli lii čapis- já vielgiskirjáá já čuávji lii kuovgâd. Orásist lii ruopsis uáivičokke. Uccâčääšni koččomjienâ lii uánihis "git". Tot meid rummut muorâid.[3]
Lavdâm já eellimpiirâs
muteUccâčäšni lii Euroop já Aasia lostâvuovdij lodde. Suomâst tot iälá iänáážin eennâm maadâ- já koskâoosijn, mut tot kávnoo pááihui meid Säämist. Suomâ pessimnääli lii áárvu mield 4 000–7 000 paarrâd.[4] Uccâčäšni lii päikkilodde, mut motomin tot vaajâld čohčâ-roovvâdmáánust.[3]
Lasanem
muteUccâčäšni piervâld táválávt pookán. Niŋálâs mannee vyesimáánust 4–8 manneed. Niŋálâs já ores läälih moonijd 13–14 peivid. Uđâgááh kirdeleh 19–21 peeivi ahasâžžân.[3]
Raavâd
muteUccâčäšni porá tiivrijd já toi kiivsâid, maid tot ocá puuhijn.[3]
Kovegalleria
mute
Käldeeh
mute |
Wikimedia Commonsist láá koveh teikkâ eres tiätuvuárháh fáádást Uccâčäšni. |
- ↑ IUCN Red List Čujottum 19.11.2021 (eŋgâlâskielân)
- ↑ BirdLife Suomi Čujottum 19.11.2021 (eŋgâlâskielân)
- ↑ 3,0 3,1 3,2 3,3 Luontoportti.fi Čujottum 19.11.2021 (suomâkielân)
- ↑ Suomen lintuatlas Čujottum 19.11.2021 (suomâkielân)