Romanij lippu (kaalekielân romanengo flaaga[1], kalderašromanikielân O styago le romengo) lii romanij almugijkoskâsâš lippu. Taat tuhhiittui ive 1971 romanij vuossâmuu maailmkongresist, mii tollui Lontoost.[2][3] Liipu tuáváášivneh láá čuovjâd já ruánáá. Čuovjâd oovdâst alme já kovvee vuoiŋâlijd áárvuid. Ruánáá oovdâst eennâm já kovvee eennâmlijd áárvuid. Liipu kuávdoo lii ruopsis čakra ađai hiävušváávnui räätis. Siämmáš räätis lii meid Intia liipust.

Romanij lippu

Käldeeh mute

  1. Romanien kansallispäivä. Máttááttâshaldâttâs. Čujottum 4.4.2021 (kaale- já suomâkielân)
  2. Romanit Oulun Lyseon lukio. Čujottum 10.4.2020 (suomakielân)
  3. Gelbart, Petra: The Romani Anthem as a Microcosm of Diversity RomArchive. Čujottum 10.4.2020. (eŋgâlâskielân)