Peeci (Pinus sylvestris) lii kuácceemuorâ. Peeci lii siđhes muorâ, mii šadda sehe enâmist, mast láá ennuv raavvâdamnâseh, já enâmijn, main toh láá uccáá. Čuovâ tot kuittâg váátá, ige tot piergii stuorrâ muorâi suoivust.[1] Peeci já kuosâ láá kuácceevyevdi uáiváámusah.

Peeci
Pinus sylvestris
(Linnaeus, 1753)
Tile LC (eellimvuáimálâš)
Tile Suomâst LC (eellimvuáimálâš)
Tieđâlâš luokittâllâm
Doomeen Sellâvááimusliih Eucarya
Kodde Šadoh Plantae
Vyelikodde Pocceešadoh Tracheobionta
Tävgi Siemâšadoh Spermatophyta
Vyelitävgi Kuácceemuorah Pinophytina
Luokka Kuácceemuorah Pinopsida
Lahko Pinales
Hiäimu Pecišadoh Pinaceae
Suuhâ Peesih Pinus
Šlaajâ sylvestris

Peeci suomâkielân já eres sämikieláid mute

Levânem Suomâst mute

Peeci lii ubâ Suomâst almolâš muorâ suullân Aanaar - Njiävđám - Iänuduv Gárasavvon -linje räi. Ton taavaabeln šaddeh ohtuunis peesih, eereeb Aanaarjuuvâ, UcjuuvâPuálmágjuuvâ leevijn láá vala vijđes pecimeecih-uv.[1]

Kiävttu sämmilij kulttuurist mute

Tovle peesist finnij kuolmâs, mii lâi tehálâš jávuaamnâs sämmilijd já tot lasettui-uv maaŋgâlágánijd purrâmâššáid. Kuolmâs pieijui ovdâmerkkân piärgu- teikkâ kyelimáálán, kyeliliemân já suohâdân. Anarist sämmiliih läävejii liäibuđ tast teikkâ siävuttiđ tom eres jávuiguin.[1]

Sämmiliih läävejii kevttiđ piihâ puohmuđusij vaaivij tipšomân. Almolávt peesi ihešoddâmkeerdijn (suomâkielân kerkkä) vuoššum siirápáin já teejáin ulmuuh tipšuu kuorsâttuv já kiđđâvaibâmvuođâ. Pecikuácceeoljolávgu kevttui leesmi já haavij tipšomist. C-vitamiin pecikuáccein lii ennuv, eromâšávt tälviv. Pikkâ já piihâst rahtum vuoidâseh išedeh liškevaaivijn já haavij puárránmist.[1]

Kovegalleria mute

Käldeeh mute

  1. 1,00 1,01 1,02 1,03 1,04 1,05 1,06 1,07 1,08 1,09 1,10 Ukkonen, Kirsi: ANARŠKIEL ŠADDONOOMAH - Noomâi etymologia já šadoi kiävttu purrâmâššân já tiervâsvuođâ naanoodmist (PDF) (Pro gradu -tuuđhâlm) 2017. Oulu ollâopâttâh. Čujottum 21.4.2021.
  2. пе̄дзь. Päikkieennâm kielâi kuávdáš. Čujottum 24.6.2021 (orjâlâš- já kieldâsämikielân)
  3. Kuruč, R. D. ПЕ̄ДЗЬ. Саамско-русский словарь. Čujottum 24.6.2021 (kieldâsämikielân)