Ávvir lii orjâlâškielâlâš páihálâšaavis, mii almostuvá sehe pävirversion já šleđgâlâš häämist. Tääl pááppáraavisin almostuvá vuossaargâst vástuppiäiván já digiaavisin masa jyehi peeivi. Aavisist láá uđđâseh, uáivileh, makkuuttâsah, podcasteh já almottâsah.

Aili Keskitalo lohá Ávvir já eres loostâid.
Kove: Taažâ sämmilij riijkâservi

Historjá mute

Ávvir šoodâi, ko kyehti orjâlâškielâg aavis – kárášjuvlâš aavis Min Áigikuovdâkiäinulâš aavis Áššu – ovtâstuvvii.[1][2] Vuosmuš pááppáraavis nummeer almostui kuovâmáánu 6. peeivi 2008.[1] Aavis noomâ, mii meerhâš orjâlâškielân huolâ anneem, iävtuttij Láilá Susanne Vars.

Aalgâst aavis almostui tuše kulmii ohhoost, mut porgemáánu 12. peeivi 2008 rääjist tot almostui vittii ohhoost majebaargâst lávurdâhân[1][3]. Suulân 10 ive maŋa aavis almostuuškuođij vuossaargâst vástuppiäiván, tastko Taažâ postâ ij innig toimâttâm maiden paihijd lávurduvâi.[4]

Njuhčâmáánust 2015 almostui vuosmuš nettinummeer.[3]

Toimâttâs já uáivitoimâtteijeeh mute

Uáivitoimâtteijeeh mute

Paje Uáivitoimâtteijee
2008 Ante Bals
2009 Svein Nordsletta
2009–2013 Sara Beate Eira
2013– Kari-Lisbeth Hermansen

Pävir- já digiaavis vijđáttâh ohtsis[5] mute

Taan ivvááš sämmilâš -palhâšume mute

Taan ivvááš sämmilâš -palhâšume lii palhâšume, mon Ávvir juáhá sämmilâžân. Vyeittest merideh aavis lohheeh.

Käldeeh mute

  1. 1,0 1,1 1,2 Sámegielaid doaibmaplána – gielladilli jagi 2010 ja joatkevaš barggut jagi 2011. Taažâ uđâsmittem-, haldâttâs- já kirkkoministeriö. 2010. s. 52. Čujottum 12.3.2021 (orjâlâškielân)
  2. Aslaksen, Eilif Andreas. Samiske aviser slås sammen. NRK Sápmi. 15.8.2007. Čujottum 12.3.2021 (tárukielân)
  3. 3,0 3,1 [1]. Ávvir. 22.8.2018. Čujottum 12.3.2021 (orjâlâškielân)
  4. Bals, Inger Marita. Maŋemus lávvordataviisa almmuhuvvon. Ávvir. 28.5.2018. Čujottum 12.3.2021 (orjâlâškielân)
  5. Opplagstall. Mediebedriftene. Čujottum 12.3.2021 (tárukielân)

Liŋkkâ mute